पोखरा । पोखरा विश्वविद्यालयको रजिस्ट्रारमा सहप्राध्यापक डा. दीपकबहादुर भण्डारी नियुक्त भएका छन् ।

विश्वविद्यालयका उपकुलपति प्राडा प्रेमनारायण अर्यालयको सिफारिसमा कुलपति प्रधानमन्त्री केपी शर्मा ओलीले ४ वर्षका लागि भण्डारीलाई रजिस्ट्रारमा नियुक्त गरेका हुन् ।

यसअघि ९ महिना रजिस्ट्रारको जिम्मेवारी पाएका भण्डारीले १२ वर्षदेखि पोखरा विश्वविद्यालयमा प्राध्यापन गर्दै आएका थिए । लमजुङको चितीका भण्डारीले बेलायतबाट विद्यावारिधि गरेका छन् ।

रजिस्ट्रार नहुँदा काममा समस्या आएकामा अब भने सहज हुने प्रतिक्रिया उपकुलपति अर्यालको छ । रजिस्ट्रार नियुक्ति भएसँगै अन्य रिक्त पदहरुमा समेत छिटो नियुक्त गर्नुपर्नेमा प्राध्यापक कर्मचारी तथा विद्यार्थीले माग गरेका छन् ।