तनहुँमा वैशाख ७ र ८ मा दोस्रो मात्रा खोप

Avatar आदर्श समाज सम्वाददाता
वैशाख ४, २०७८
corona khop

फाइल तस्बिर

दमौली । कोरोनाविरुद्धको दोस्रो मात्रा खोप तनहुँमा वैशाख ७ र ८ गते लगाइने भएको छ । प्रमुख जिल्ला अधिकारी सागर आचार्यको संयोजकत्वमा बसेको जिल्ला संकट व्यवस्थापन केन्द्रको बैठकले दोस्रो मात्रा खोपको समय निर्धारण गरेको हो ।

गत माघ १४ देखि २४ तथा फागुन २ देखि १० गतेसम्म खोप लगाएका कर्मचारी, पत्रकार, वृद्धवृद्धा, जनप्रतिनिधि तथा सफाइ कर्मचारीलाई खोप लगाउन लागिएको सहायक प्रमुख जिल्ला अधिकारी चित्रांगत बरालले बताए । दोस्रो मात्रा खोप लगाउन पहिलो मात्रा लगाएको खोप कार्ड अनिवार्य ल्याउनुपर्ने स्वास्थ्य कार्यालय प्रमुख शंकरबाबु अधिकारीले जानकारी दिए ।

दोस्रो मात्रा खोप लगाउन दमौली अस्पताल, स्वास्थ्य कार्यालय भवन, कैदी बन्दी, वृद्धवृद्धाका लागि सम्बन्धित स्थानमा, पुरनडिही प्राथमिक स्वास्थ्य केन्द्र, भानु स्वास्थ्य चौकी, जिपी कोइराला श्वासप्रश्वास उपचार केन्द्र, खैरेनीटार स्वास्थ्य चौकी, भीमाद प्राथमिक स्वास्थ्य केन्द्र, बन्दीपुर अस्पताल र डुम्रे आधारभूत स्वास्थ्य केन्द्र तोकिएको छ ।

यस्तै घिरिङ स्वास्थ्य चौकी र साभुङ स्वास्थ्य चौकी, भीरकोट स्वास्थ्य चौकी र कोटदरबार स्वास्थ्य चौकी, देवघाट धर्मास्थल अस्पताल, आँबुखैरेनी स्वास्थ्य चौकी, कृष्ण मन्दिर वृद्धाश्रम, थर्पु स्वास्थ्य चौकी र जामुने स्वास्थ्य चौकीमा खोप अभियान सञ्चालन हुने बताइएको छ ।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग