पोखरा। पोखरा–७ स्थित पुष्करेश्वर शिव मन्दिरको छैटौं साधारणसभा तथा अधिवेशनले पिताम्बर बरालको अध्यक्षतामा नयाँ कार्यसमिति चयन गरेको छ ।

कार्यसमिति उपाध्यक्षमा रामप्रसाद वस्ताकोटी, सचिव सरोजनारायण बराल, कोषाध्यक्ष टीकानिधि बराल, सहसचिव भुवानीप्रसाद बराल चयन भए ।

सदस्य बालाकृष्ण बराल, नारायणी बराल, पार्वती बराल, पं भुवानी बराल, रमेश पौडेल र मात्रिकाराज घिमिरे छन् ।

गोविन्दप्रसाद बराल संयोजक रहेको निर्वाचन समिति सदस्यमा सूर्यनाथ भट्टराई र गोपाल बराल थिए ।

त्यसअघि डा. लेखनाथ आचार्यले साधारण सभा उद्घाटन गरेका थिए ।

कार्यक्रममा पोखरा ७ का वडाध्यक्ष रामचन्द्र बराल, संस्थापक सदस्य डिल्लीराम बराल, प्रेमराज अधिकारी, महिला विकासका लागि आमा समूह उपाध्यक्ष तुलसी बराल, ज्येष्ठ नागरिक सरोकार समाजका अध्यक्ष भक्तराज श्रेष्ठ लगायतले बोलेका थिए ।

सो अवसरमा अक्षयकोष दाता रमेशकुमार श्रेष्ठ र प्राडा केदारनाथ बराललाई सम्मान गरिएको थियो ।

सचिव सरोजनारायण बराल र कोषाध्यक्ष टीकानिधि बरालले प्रस्तुत गरेको प्रतिवेदन सर्वसम्मत पारित भएको थियो ।