मेयर साइकल दौडमा वालिङका मेयर दिलीप प्रताप खाँड प्रथम

Avatar आदर्श समाज सम्वाददाता
वैशाख १, २०७८
mayor cup (3)

पोखरा । पोखरामा आयोजना भएको प्रथम मेयर साइकल दौडमा वालिङ नगरपालिकाका मेयर दिलीप प्रताप खाँडले जीतेका छन् ।

नयाँवर्षको दिनमा आयोजना भएको प्रतियोगितामा निर्धारित दुरी १५ मिनेट ३१ सेकेन्डमा पूरा गर्दै खाँड च्याम्पियन बनेका हुन् । दौड पोखरा ६ हल्लन चोकबाट सुरु भएको दौड पोखरा सभागृहसम्म ५ किलोमिटरको दुरीमा भएको थियो । प्रतियोगितामा कर्णाली प्रदेशको हुम्ला जिल्ला नाम्खा गाँउपालिका प्रमुख विष्णुबहादुर लामाले १५ मिनेट ३८ सेकेन्डमा निर्धारित दुरी पूरा गर्दै दोस्रो भए । कास्की माछापुच्छ«े गाउँपालिका प्रमुख कर्णबहादुर गुरुङले १६ मिनेट ४६ सेकेन्डमा निर्धारित दुरी पूरा गर्दै तेश्रो भएका छन् । प्रतियोगितामा विभिन्न जिल्लाका नगरपालिका र गाँउपालिकाका प्रमुख गरी कुल १४ जना प्रमुखहरुको सहभागिता थियो ।

प्रतियोगितामा प्रथम भएका खाँडले उपाधिसहित १० तोला चाँदीको पदकसहित सिल्ड र सम्मानपत्र प्राप्त गरे । दोस्रो र तेस्रो हुन सफल प्रमुखहरुले क्रमश सम्मानपत्र, दोसल्ला सहित ८ र ७ तोलाको चाँदीको आकर्षक पदक प्राप्त गरेका छन् । मेयर साइकल दौड प्रतियोगिताको समापन कार्यक्रममा सागमा गण्डकी प्रदेशबाट सागकी रजत विजेता जमुना थापालाई नगद १ लाख नगद सहित सम्मानपत्र र दोसल्लाद्वारा सम्मान गरिएको हो । साथै सागमा साइकल प्रतियोगितामा पदक विजेता निमा श्रेष्ठ, नमुना थापा, राजेश मगर, उषा खनाललाई सम्मानपत्र र दोसल्ला ओढाएर सम्मान गरिएको थियो ।

सोही क्रममा पोखरेली अग्रज साइक्लिस्टहरु लोकबहादुर थापा, वसन्त सुवल, चिजबहादुर गुरुङ, इन्द्र नेपाली, खिमबहादुर थापा, भरतबहादुर कार्की, निरज थापा, यादवचन्द्र भुर्तेल, आलोक गुरुङ, मोहनसिंह लालचन, तुलसीकुमार श्रेष्ठ, श्यामकृष्ण श्रेष्ठ र रामनारायण श्रेष्ठलाई सम्मानपत्र सहित दोसल्ला ओढाएर सम्मान गरिएको थियो । उनीहरुलाई पोखरा महानगरपालिकाका मेयर मानबहादुर जिसी, प्रमुख प्रशासकीय अधिकृत महेश बराल लगायतले पुरस्कार वितरण गरे ।

Related News

सम्बन्धित समाचार

    hero news full width

    Fishtail

    sanil ads

    wordlink ads

    trending post

    ट्रेन्डिङ्ग