गण्डकीमा अबको मुख्यमन्त्री कांग्रेसका कृष्णचन्द्र नेपाली

आदर्श समाज सम्वाददाता
वैशाख १, २०७८

कृष्णचन्द्र नेपाली

पोखरा । गण्डकी प्रदेशमा पृथ्वीसुब्बा गुरुङ नेतृत्वको सरकार ढलेपछि नेपाली कांग्रेसका सांसद कृष्णचन्द्र नेपाली मुख्यमन्त्री पक्का भएको छ । प्रदेश सरकारलाई राष्ट्रिय जनमोर्चाले दिएको समर्थन फिर्ता लिने निर्णय भएपछि गुरुङ सरकार ढल्ने पक्का भएको हो ।

नेपाली कांग्रेस, माओवादी केन्द्र र जनता समाजवादीको सहभागितामा सरकार बन्ने र कांग्रेस संसदीय दलका नेता कृष्णचन्द्र नेपाली मुख्यमन्त्री बन्ने सहमति भएको माओवादी केन्द्र संसदीय दलका नेता हरिबहादुर चुमानले बताए ।

पूर्वी नवपरासीको क्षेत्र नम्बर १ (क) बाट नेपाली निर्वाचित भएका हुन् । तनहुँमा जन्मेका उनी गैंडाकोट बस्दै आएका छन् ।

जनमोर्चाले यी ३ दललाई सघाउने भए पनि सरकारमा भने सहभागी हुनेछैन । उता स्वतन्त्र सांसद राजीव गुरुङ (दीपक मनाङे) ले अब बन्ने सरकारलाई समर्थन गर्ने बताएका छन् ।

हाल मुख्यमन्त्रीसहित ७ मन्त्रालय रहेकामा कांग्रेस र माओवादीले ३÷३ मन्त्रालय लिने र जसपालाई १ मन्त्रालय दिने प्रारम्भिक सहमति जुटेको छ ।

बिहीबार बिहान ४ दलको बैठक बस्ने र मिलेसम्म अविश्वासको प्रस्ताव पनि भोलि नै दर्ता गर्ने तयारीमा दलहरु छन् ।

सम्बन्धित समाचार

लोकतन्त्रका १८ वर्ष : लोकतन्त्रले छोएन लोकलाई

विजय नेपाल वैशाख ११, २०८१

वाद होइन, परिवर्तन र विकासमा प्रतिस्पर्धा जरुरी गिरधारी सुवेदी अधिवक्ता । २०६२/०६३ को जनआन्दोलन पश्चात् नेपाली नागरिकको पहिलो अपेक्षा रोजगार,…
कामचलाउ सरकारको आयु लम्बियो

आदर्श समाज सम्वाददाता वैशाख ११, २०८१

पोखरा । गण्डकीमा खगराज अधिकारी नेतृत्वको कामचलाउ सरकारको आयु लम्बिएको छ । उनको नियुक्तिविरुद्ध सर्वोच्च अदालतमा परेको रिटको सुनुवाई नसकिएपछि…
पाेखरा नयाँबजारको महायज्ञ समापन

आदर्श समाज सम्वाददाता वैशाख १०, २०८१

पोखरा । पोखरा नयाँबजारमा आयोजित श्रीमद्भागवत् सप्ताह ज्ञानमहायज्ञ सोमबार समापन भएको छ । महायज्ञ मूल आयोजक समितिका अनुसार १० दिनसम्म…
सहकारी पीडित आन्दोलित

आदर्श समाज सम्वाददाता वैशाख १०, २०८१

पोखरा । सहकारीले रकम अपचलन गरेपछि पोखराका ६ वटा सहकारीका पीडित आन्दोलित भएका छन् । उनीहरुले बचत फिर्ता र आफूहरुको…
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन

आदर्श समाज सम्वाददाता वैशाख १०, २०८१

पोखरा । गण्डकीमा संविधान मिचेर मुख्यमन्त्री नियुक्ति गरिएको भन्दै दायर गरिएको रिटको सुनुवाई नसकिएपछि हेर्दाहेर्दैमा राखिएको छ । सपना प्रधान…