कोरोनाबाट गण्डकी प्रदेशमा थप २ जनाको मृत्यु

Avatar आदर्श समाज सम्वाददाता
चैत्र ३०, २०७७
Corona Death

फाइल फोटो ।

पोखरा । गण्डकी प्रदेशमा कोरोना संक्रमणबाट सोमबार थप २ जनाको मृत्यु भएको छ ।

स्वास्थ्य निर्देशनालय गण्डकी प्रदेशले दिएको जानकारी अनुसार कास्की र तनहुँका १/१ जनाको मृत्यु भएको हो ।

पोखरा महानगरपालिकाका ७८ वर्षीय पुरुषको चरक मेमोरियल अस्पतालमा उपचारको क्रममा मृत्यु भएको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोदविन्दु शर्माले जानकारी दिए ।

ती पुरुषमा चैत २० गते कोरोना पुष्टि भएको थियो ।

यसैगरि तनहुँको शुक्ला गण्डकी नगरपालिकाका ५१ वर्षीय पुरुषको पनि चरक मेमोरियल अस्पतालमा उपचारकै क्रममा आइतबार नै मृत्यु भएको हो ।

चैत २३ गते कोरोना पुष्टि भएको ती पुरुषमा निमोनियाको समस्या रहेको थियो । योसँगै गण्डकी प्रदेशमा कोरोनाबाट ज्यान गुमाउनेको संख्या २ सय ७ पुगेको छ ।

गण्डकी प्रदेशमा हाल ४ सय १९ जना सक्रिय संक्रमित छन् ।

Related News

सम्बन्धित समाचार

    hero news full width

    sanil ads

    wordlink ads