तनहुँ समाज र मातृभूमि सहकारीको शुभकामना आदानप्रदान

Avatar आदर्श समाज सम्वाददाता
चैत्र ३०, २०७७
News Subhakamana

पोखरा । तनहुँ सम्पर्क समाज पोखरा र मातृभूमि बचत तथा ऋण सहकारी संस्थाको २०७८ सालको भित्तेपात्रो विमोचन तथा शुभकामना आदानप्रदान शनिबार भएको छ ।

स्याङ्जाका जिल्ला न्यायाधीश सूर्यबहादुर थापाले आगामी दिनमा देशमा शान्ति, सुरक्षा र सुव्यवस्था कायम रहने विश्वास गरे ।

राष्ट्रिय सभासद बिन्दादेवी रानाले अहिले राज्यले राज्यलाई बलियो बनाउनभन्दा पनि राज्य चलाउने व्यक्ति आफू केन्द्रित शक्ति र स्वार्थमा लाग्नु दुखद् रहेको बताइन् ।

सहकारीका अध्यक्ष चन्द्रविक्रम अधिकारीले समाजका सदस्यको सामाजिक गतिविधिसँगै आफ्ना आर्थिक क्रियाकलाप चलायमान र व्यावसायिक क्षमतालाई सहयोग पुर्‍याउने गरी अघि बढ्ने बताए ।

समाजका वरिष्ठ उपाध्यक्ष भरत केसीको अध्यक्षतामा भएको कार्यक्रममा पोखरा स्वास्थ्य विज्ञान प्रतिष्ठानका पूर्व उपकुलपति प्राडा बुद्धिबहादुर थापा, पक्षे अस्पतालका निर्देशक डा. अर्जुन आचार्य, गण्डकी विश्वविद्यालयका संयोजक प्राडा धु्र्रवबहादुर अधिकारी, समाजका पूर्व अध्यक्षहरु शिवराज पौडेल, मुरलीमोहन काफ्लेलगायतले बोलेका थिए ।

संस्थाका महासचिव यामबहादुर सुर्खालीले सञ्चालन गरेको कार्यक्रममा सहकारीका उपाध्यक्ष हरिप्रसाद खनालले स्वागत गरेका थिए ।

Related News

सम्बन्धित समाचार

    hero news full width

    sanil ads

    wordlink ads