पोखरा । नेपाल टुरिजम एन्ड होटल म्यानेजमेन्ट कलेज पोखराले विद्यार्थीका लागि स्वागत तथा उत्प्रेरणा कार्यक्रम गरेको छ । आगामी शैक्षिक सत्रको बिएचएम, बिबिए र बिबिए बिआइमा भर्ना भएका नयाँ विद्यार्थीलाई कलेजका अध्यक्ष अशोक पालिखे, प्रिन्सिपल प्रकाश रेग्मी लगायतले माला खादाले स्वागत गरे ।

कलेजका अध्यक्ष पालिखेले नेपालमै पहिलो नेपाल टुरिजम एन्ड होटल म्यानेजमेन्ट कलेज अहिले धेरै विद्यार्थीको रोजाइमा पर्ने कलेज बनेकोमा खुसी व्यक्त गरे । पालिखेले सबै विद्यार्थीलाई राम्रो अध्ययन गर्न र भविष्यमा सफल व्यवस्थापक बन्न शुभकामना दिएका थिए ।

मोटिभेसनल स्पिकर रबिन कटवालले विद्यार्थी, अभिभावक र कलेजका प्राध्यापकलाई उत्प्रेरणामूलक सन्देश दिए । विद्यार्थी र अभिभावकका लागी यो कार्यक्रम अत्यन्त फलदायी भएको प्रिन्सिपल प्रकाश रेग्मीले बताए ।