चैत २७ मा होमियोप्याथिकको अधिवेशन

Avatar आदर्श समाज सम्वाददाता
चैत्र २४, २०७७
homeopathik 2

पोखरा । अल नेपाल होमियोप्याथिक एसोसिएसनको १० औं राष्ट्रिय महाधिवेशन चैत २७ गते पोखरामा हुने भएको छ । महाधिवेशनमा देशभरबाट करिब ५ सय प्रतिनिधि सहभागी हुने महाधिवेशन संयोजक तथा एसोसिएसन गण्डकी अध्यक्ष डा. विष्णुप्रसाद चापागाईंले बताए ।

एसोसिएसनको कमिटी प्रदेशस्तरमा मात्रै विस्तार भएको उनले बताए । संस्थाको विधान अनुसार महाधिवेशनमा ४९ जनाले मात्र मतदान गर्न पाउने छन् । अधिवेशनले २८ सदस्यीय केन्द्रीय कमिटी चयन गर्नेछ ।

एसोसिएसनमा सबैको समावेशी प्रतिनिधित्व गराएर धेरैभन्दा धेरैलाई समेट्न विधान संशोधन गर्ने तयारी भएको केन्द्रीय उपाध्यक्ष डा. खगेन्द्र कटुवालले जानकारी दिए ।

संस्थाका केन्द्रीय सदस्य डा. राजेन्द्र मानन्धरका अनुसार नेपालमा निजीस्तरबाट ६ वटा होमियोप्याथिक चिकित्सालय अस्पताल, २ सय क्लिनिक र १ हजार हाराहारीमा फार्मेसी छन् ।

Related News

सम्बन्धित समाचार

    hero news full width

    sanil ads

    wordlink ads