फेवा सहकारीको सहयोग

Avatar आदर्श समाज सम्वाददाता
चैत्र २४, २०७७
fewa sahakari 1

पोखरा । पोखरा ८ सिर्जनाचोकस्थित फेवा बहुद्देश्यीय बचत तथा ऋण सहकारीले ६४ औं राष्ट्रिय सहकारी दिवसका अवसरमा रक्त भण्डार भवनलाई सहयोग गरेको छ । सो अवसर ३ दिनसम्म चलेको कार्यक्रमको अन्तिम दिन कार्यक्रम आयोजना गरी चेक हस्तान्तरण गरेको हो ।
नेपाल रेडक्रस सोसाइटी कास्की शाखाका उपसभापति डण्डराज शर्मालाई २५ हजार १ सय २५ को चेक सहकारीका उपाध्यक्ष सम्मरबहादुर श्रेष्ठले हस्तान्तरण गरे ।
क्षेत्रीय रक्त सञ्चार सेवा केन्द्र रामघाटमा सञ्चालन र भण्डार गर्दै आइरहेको भए पनि उक्त स्थान साँघुरो भएको हँुदा सिर्जनाचोकमा ८ करोड लागतमा गण्डकी प्रदेश स्तरीय रक्त सञ्चय भण्डार भवन निर्माणाधीन छ ।
सहकारीका श्रेष्ठले मानवीय सेवामा लाग्नुपर्ने बताउँदै अति विपन्न वर्गका बिरामीलाई सहयोग गर्ने गरी नेपाल रेडक्रस सोसाइटी क्षेत्रीय रक्त सञ्चार सेवा केन्द्र रामघाटलाई समेत २५ हजार सहयोग गरेको स्मरण गरे ।
कार्यक्रममा फेवा सहकारीका प्रबन्ध निर्देशक हरिभक्त पौडेल, नेपाल रेडक्रस सोसाइटी कास्की शाखाका उपनिर्देशक खेमराज सापकोटा, सहकारीका बालकृष्ण पौडेल र चिना कार्की लगायतले बोलेका थिए । सहकारीका सहायक प्रबन्धक जगन तिमिल्सिनाले कार्यक्रम सञ्चालन गरेका थिए ।

Related News

सम्बन्धित समाचार

    hero news full width

    sanil ads

    wordlink ads