रेडियो अन्नपूर्णको कार्यक्रममा २ सय ४३ युनिट रगत संकलन

Avatar आदर्श समाज सम्वाददाता
चैत्र २१, २०७७
BLOOD DONATION PHOTO 02

पोखरा । रेडियो अन्नपूर्णको १९ औं वृहत रक्तदान कार्यक्रममा २४३ युनिट संकलन भएको छ । शनिबार रेडियोकै प्रांगणमा गरिएको कार्यक्रममा १ सय ९९ जना पुरुष र ४४ जना महिलाले रक्तदान गरे ।

यस्तै नयाँ रक्तदाताको संख्या ७६ छ । नेत्रहीन संघ कास्कीका १५ जना दृष्टिविहिनले समेत रक्तदान गरेका छन् ।

रक्तदान कार्यक्रमको उद्घाटन गर्दै जिल्ला प्रशासन कार्यालय कास्कीका प्रमुख जिल्ला अधिकारी (सिडिओ) थानेश्वर गौतमले रेडियोले रक्तदान कार्यक्रम गरेर सामाजिक उत्तरदायित्व बहन गरेको बताए । समाजमा भए गरेका विकृति विसंगतीलाई चिर्दै सही सचुना प्रसारण देखि समाजमा भएका समस्याका समाधानका लागि रेडियो अन्नपूर्णले महत्वपूर्ण भूमिका निर्वाह गरेको उनले बताए ।

गण्डकी प्रदेश खेलकुद परिषदका सदस्य सचिव तेज गुरुङले सामाजिक परिवर्तनको अभियानमा विगत २० वर्षदेखि रेडियो अन्नपूर्ण अनवरत रुपले लागिरहेको बताए ।

पोखरा उद्योग वाणिज्य संघका महासचिव सुरेन्द्रमान बिजुक्छेले रेडियोले बर्सेनि आयोजना गर्दै आएको रक्तदान कार्यक्रमले धेरै नयाँ रक्तदाता जन्माएको उल्लेख गरे ।

रेडियोका अध्यक्ष विश्वशंकर पालिखेले विगत १९ वर्षदेखि रेडियोले रक्तदान कार्यक्रमलाई निरन्तरता दिँदै आएको जानकारी गराए । उनले सबैको साथ सहयोगले नै रक्तदान कार्यक्रम हालसम्म निरन्तर आयोजना गर्दै आएको बताए । भविष्यमा समेत यसको निरन्तरताको अपेक्षा उनले गरेका छन् ।

प्राइम सहकारी संस्थाका अध्यक्ष निर्देश कोइरालाले रेडियो अन्नपूर्णसँग समन्वय गरी रक्तदान कार्यक्रमको आयोजना गर्न पाउँदा खुशी लागेको बताए । नेपाल इन्स्योरेन्स प्रोफेसनल

सोसाइटीका अध्यक्ष कविराज पौडेलले रेडियोसँगको पहिलो सहकार्य सफल रुपमा सम्पन्न भएको बताए ।

नेलेम्बो नेपालका अध्यक्ष यज्ञ प्रसाद देवकोटाले रक्तदान कार्यक्रममा स्वास्थ्य समाग्री सहयोग गर्न पाउँदा खुसी लागेको बताए ।

रेडियोका स्टेसन म्यानेजर सञ्जयकुमार मल्लले रेडियो अन्नपूर्ण सँधै समाजसँगै साथमा रहेको दाबी गरे । समाजमा भएका हरेक गतिविधिहरुका विषयमा जानकारी गराउने उद्देश्यस्वरुप रेडियो लागिपरेको उनको भनाइ थियो । आगामी समयमा पनि सम्पूर्ण स्रोताको माया, सदभावले नै रेडियोले आफ्ना कार्यक्रमलाई परिमार्जित गर्दै जाने उनले प्रतिबद्धता व्यक्त गरे।

१९ औं वृहत रक्तदान कार्यक्रमका संयोजक रेडियो अन्नपूर्णकर्मी दीननाथ बरालले रक्तदान कार्यक्रम सफल रुपमा सम्पन्न गर्न सहयोग गर्ने सम्पूर्ण संघसंस्था तथा व्यक्तिहरुलाई धन्यवाद दिए ।

कार्यक्रममा रक्तसंचार केन्द्र प्रमुख अर्जुन ज्ञवालीले कोरोना महामारीका समयमा पनि व्यवस्थित ढंगले कार्यक्रमको आयोजना गरेको प्रति रेडियोलाई धन्यवाद दिए । उनले यस्तो विषम् परिस्थितिमा भएको उल्लेखनीय सहभागिताको कदर गर्दै स्वस्थ व्यक्तिले रक्तदान गर्नुपर्ने तर्फ जोड दिए ।

Related News

सम्बन्धित समाचार

    • विकृत बजार, सुस्त अनुगमन

      Avatar आदर्श समाज सम्वाददाता वैशाख ५, २०७८
      पोखरा । आवश्यक जनशक्ति अभावमा अनुगमन र निरीक्षण हुन नसकेको पोखरामा आयोजित कार्यक्रममा वक्ताले बताएका छन् । उपभोक्ता मञ्च गण्डकी…
    • गोर्खा सैनिकका लोकभाका र कथा प्रकाशित

      Avatar आदर्श समाज सम्वाददाता वैशाख ५, २०७८
      काठमाडाैं ।  नेपाल प्रज्ञा–प्रतिष्ठानले १०६ वर्ष अगाडिको ऐतिहासिक लोकसामग्रीलाई प्रकाशनमा ल्याएको छ । पहिलो विश्वयुद्धमा जर्मनी पुगेका र त्यहीँ बन्दी…
    • कालिका माविमा युनाइटेड क्लकाे लागुऔषध सचेतना कार्यक्रम

      Avatar आदर्श समाज सम्वाददाता वैशाख ३, २०७८
      पोखरा  । युनाइटेड क्लबको ११ औ वार्षिकोत्सवको अवसरमा आयोजित साताब्यापी कार्यक्रम अन्तर्गत तेश्रो दिन शुक्रबार कालिका माविमा लागुऔषध सचेतना कार्यक्रम…
    • एनटिएचएमसीमा सेफ कम्पिटिसन

      Avatar आदर्श समाज सम्वाददाता वैशाख १, २०७८
      पोखरा । नेपाल टुरिजम एन्ड होटल म्यानेजमेन्ट कलेज (एनटिएचएमसी), पोखराले पहिलो पटक एनटिएचएमसी सेफ कम्पिटेसन आयोजना गरेको छ । बिबिसी मास्टर…
    • मेयर साइकल दौडमा वालिङका मेयर दिलीप प्रताप खाँड प्रथम

      Avatar आदर्श समाज सम्वाददाता वैशाख १, २०७८
      पोखरा । पोखरामा आयोजना भएको प्रथम मेयर साइकल दौडमा वालिङ नगरपालिकाका मेयर दिलीप प्रताप खाँडले जीतेका छन् । नयाँवर्षको दिनमा…

    hero news full width

    sanil ads

    wordlink ads

    Recent Posts

    भर्खरै