लमजुङ स्वतन्त्रमा खुसीमाया

Avatar आदर्श समाज सम्वाददाता
चैत्र २१, २०७७
lamjung

लमजुङ । स्वतन्त्र पत्रकार संघ नेपालको जिल्ला शाखा लमजुङको अध्यक्षमा खुसीमाया गुरुङ चयन भएकी छन् । बेंसीसहरमा बिहीबार भएको संघको पाँचौ जिल्ला अधिवेशनले उनलाई सर्वसम्मत अध्यक्ष चयन गरेको हो ।

संघका राष्ट्रिय सल्लाहकार एवं निवर्तमान महासचिव नवराज पहाडीले अधिवेशन उद्घाटन गरे । उनले नेपालमा राजनीतिक दलले राम्रो संस्कार संस्कृतिको जग बसाउन र विकास गर्न नसकेका कारण पत्रकारिता पनि त्यसबाट प्रभावित भएको बताए । उनले त्यस्ता दलको छायाँबाट मुक्त पत्रकारिताका लागि स्वतन्त्र पत्रकार संघको आवश्यक रहेको औंल्याए ।

संघका निवर्तमान राष्ट्रिय सदस्य सुशील विक, राष्ट्रिय पार्षद चन्द्रकान्त पौडेल, प्रदेश पार्षद शर्मिला अधिकारी, जिल्ला सदस्यहरू खुसीमाया गुरुङ, प्रमोद अधिकारी, सिर्जना मौरती लगायतले बोलेका थिए ।

संघ उपाध्यक्षमा बेलबहादुर थापाले निरन्तरता पाए । सचिव प्रमोद अधिकारी चयन भए । सदस्यहरू अञ्जना पौडेल, नरमाया शाही र सिर्जना मौरती चयन भए ।

अधिवेशनले संघका निवर्तमान राष्ट्रिय सदस्य सुशील विकको संयोजकत्व ५ सदस्यीय सल्लाहकार समिति चयन गरेको छ । सदस्यहरु कुमारी तामाङ, रुद्रनिधि तिवारी, तीर्थराज पराजुली र डम्बर आले छन् ।

प्रदेश पार्षदमा विष्णुकुमार श्रेष्ठ, चन्द्र मिश्र, सूर्यबहादुर विक र काजी बस्नेत चयन भए । निवर्तमान महासचिव नवराज पहाडी, पूर्व जिल्ला अध्यक्षद्वय कृष्ण आले र चन्द्रकान्त पौडेल, सीमादेवी ढकाल र शर्मिला अधिकारी राष्ट्रिय पार्षद् चयन भएका छन् ।

Related News

सम्बन्धित समाचार

    hero news full width

    sanil ads

    wordlink ads