पोखरा। नेपाल रिङ रेस्लिङ संघको आयोजनामा पोखरा शुक्रबारदेखि दोस्रो राष्ट्रिय रिङ रेस्लिङ च्याम्पियनसीप–२०२१ हुँदैछ ।

पोखरा रंगशालाको बहुउद्देश्यीय कभर्ड हलमा २ दिनसम्म हुने प्रतियोगिताको तयारी पूरा भएको बिहीबार आयोजित पत्रकार सम्मेलनमा जनाइएको हो ।
सम्पूर्ण खेलाडीहरु काठमाडौंबाट पोखरा आइसकेको नेपाल रेस्लिङ संघकी महासचिव सुवर्ण श्रेष्ठले बताइन् ।

प्रतियोगितामा नुवाकोटे टाइगर, थागु, द यूव, डेभिड, साइन, टुप्पी ग्याङ, एक्स हिरो, सोफी, दिलाशा, चट्टान, लेडी एञ्जल, किङ रोवर्ट, तन्नु, सिजे, युविएल, एससी, हुम्ली फाइटर, योगी, जोन लगायत महिला तथा पुरुष खेलाडीले प्रतिस्पर्धा गर्नेछन् । उनीहरुले ३ वटा वेट क्याटोगरीमा प्रतिस्पर्धा गर्ने भएको संघकी महासचिव श्रेष्ठले जानकारी दिइन् ।

प्रथम हुने खेलाडीले १ लाख सहित च्याम्पियन बेल्ट र दोस्रोले ५० हजार रुपैयाँ साथमा मेडल र प्रमाणपत्र प्राप्त गर्नेछन् । प्रतियोगितामा करिब २९ लाख खर्च हुने आयोजकको अनुमान छ ।

दर्शकलाई थप मनोरञ्जन दिन हास्य कलाकार सन्दीप क्षत्रीको विशेष प्रस्तुति रहने छ ।