खास्टे महोत्सव जारी

आदर्श समाज सम्वाददाता
चैत्र १९, २०७७
khasta maila 1

लेखनाथ । कास्कीको लेखनाथमा चैत १२ गतेदेखि सुरु भएको प्रथम खास्टे ताल महोत्सव सातौं दिनसम्म आइपुग्दा दर्शकको सहभागिता उल्लेखनीय रहेको छ । कोरोना संक्रमण खतरालाई मध्यनजर गरी स्वास्थ्य सतर्कता अपनाउँदै मेला सञ्चालन गरिएको आयोजकले जनाएको छ ।

खास्टे र न्युरेनी तालको प्राकृति स्रोत र साधनको संरक्षणमा टेवा पुर्‍याउने उद्देश्यले खास्टे तथा न्यूरेनीताल संरक्षण समितिको आयोजनामा भएको महोत्समा सोचे अनुसारकै दर्शकको सहभागिता रहेको महोत्सव आयोजक मूल समिति संयोजक हरिप्रसाद अधिकारीले बताए ।

महोत्सवमा रत्यौली गीत प्रतियोगिता, राष्ट्रिय स्तरका कलाकारको दोहोरी प्रस्तुति, हाँस्य प्रहसन तथा साँझ युवा दर्शक लागि पप कन्सर्ट राखिएकाले सबै खाले दर्शकको सहभागिता रहेको स्टेज संयोजक शिवहरि ढुंगानाको दाबी छ ।

रमाइलो र आवश्यक घरायसी वस्तुको उपलब्धता दुबै हुँदा महोत्सवले दर्शकको मन जित्न सफल भएको आयोजक संस्थाका सचिव ईश्वरीप्रसाद अधिकारीको भनाइ छ ।

चैत २२ गतेसम्म चल्ने महोत्सवमा वातावरणले पनि साथ दिएको र विद्यालय पनि बन्द रहेकाले युवा युवतीदेखि स्कुले विद्यार्थीको सहभागिता दैनिक रुपमा हुँदै आएको प्रचार प्रसार उपसमितिका संयोजक ईश्वरराज भण्डारीले जानकारी दिए ।

Related News

सम्बन्धित समाचार

hero news full width