सहचालक कालीगण्डकीमा फाल्ने चालक पक्राउ

आदर्श समाज सम्वाददाता
चैत्र १७, २०७७
crime

वालिङ । घाइते सहचालकलाई कालीगण्डकी नदीमा फाल्ने चालकलाई प्रहरीले पक्राउ गरी सार्वजनिक गरेको छ । जिल्ला प्रहरी कार्यालय स्याङ्जामा पत्रकार सम्मेलन गरी सार्वजनिक गरेको हो ।

ट्रयाक्टर चालक गल्याङ ८ बग्रागीका अमीत परियारलाई प्रहरीले पक्राउ गरेको हो । उनले ट्र्याक्टरबाट खसेर घाइते भएका १९ वर्षीय सहचालक गणेश गाहालाई कालीगण्डकी नदीमा फालेको स्याङ्जा प्रहरी प्रवक्ता राजेन्द्रप्रसाद अधिकारीले बताए ।

चैत ५ गते राति ८ बजे गल्याङ ९ स्थित कालीगण्डकी नदीको साँखरघाटबाट बालुवा लिएर आउँदै गरेको ट्रयाक्टरमा ३ जना थिए । ती मध्ये १ जना खसे । सोही ट्रयाक्टरले किचेर घाइते भएका सहचालक रानालाई चालक परियारले कालीगण्डकीमा लगेर बगाइदिएका थिए ।

घटनाका प्रमुख प्रतिवादी ट्रयाक्टर चालक परियार श्रीमती र छोरीसहित भारततर्फ भाग्न लागेको अवस्थामा वडा प्रहरी कार्यालय वालिङले रुपन्देहीको बेलहिया नाकाबाट शुक्रबार पक्राउ गरेको थियो ।

पक्राउ परेका चालक परियारलाई सोमबार नै अदालतबाट म्याद थप गरी अनुसन्धान भइरहेको प्रहरी प्रवक्ता अधिकारीले बताए ।

सोही घटना संलग्न ट्रयाक्टरका अर्का सहचालक गल्याङ ८ बंग्रातीका २१ वर्षीय सुनील राना चैत ८ गते पक्राउ परे । घटनास्थलबाट प्रहरीले मृतकको १ जोर चप्पल तथा रगत लागेका ढुंगासहित अस्थायी नम्बर प्लेट लु अ अ फ १०१२ ट्रयाक्टर नियन्त्रणमा लिएको थियो ।

Related News

सम्बन्धित समाचार

    • ५ वर्षीया बालिकाको हत्या

      रासस असार ५, २०७८
      सप्तरी । सप्तरीमा नौ वर्षीया बालिकाको आज विभत्स हत्या भएको छ । डाक्नेश्वरी नगरपालिका–३ तरही बस्ने रामउदगार यादवकी छोरी शिवानीकुमारी…
    • सामूहिक बलात्कारका अभियुक्त पक्राउ

      रासस असार ४, २०७८
      सप्तरी । दश वर्षीया बालिकालाई सामूहिक बलात्कार गरेको १४ वर्षपछि फरार रहेका एक अभियुक्तलाई सप्तरी प्रहरीले पक्राउ गरेको छ ।…
    • बन्चरो प्रहार गरी श्रीमतीको हत्या

      रासस असार ४, २०७८
      देउखुरी । घोराहीमा बञ्चरो प्रहार गरी श्रीमान्ले श्रीमतीको हत्या गरेका छन् । घोराही उपमहानगरपालिका–३ बेलुवा निवासी ५७ वर्षीय मुकुन्दलाल चौधरीले…
    • राउटे युवतीमाथि हिंसा गर्नेलाई कडा कारबाहीको माग

      रासस जेठ ३०, २०७८
      काठमाडौं । लोपोन्मुख राउटे समुदायका दुई युवतीलाई सुर्खेतमा मदिरा खुवाएर यौन दुव्र्यवहार गरेको भिडियो गत आइतबार सार्वजनिक भयो । मदिराको…
    • श्रीमतीलाई नदीमा फाल्ने पक्राउ

      रासस जेठ २८, २०७८
      गोरखा । श्रीमतीलाई तन्नामा पोको पारेर मस्र्याङदी नदीमा फालेको आरोपमा एक षुरुषलाई प्रहरीले आज पक्राउ गरेको छ । पालुङाटार नगरपालिका–७,…

    hero news full width

    sanil ads

    wordlink ads

    trending post

    ट्रेन्डिङ्ग