पर्वतका अरुण बने सप्तरंगी प्रतिभा

Avatar आदर्श समाज सम्वाददाता
चैत्र १४, २०७७
saptarangi

पोखरा । सप्तरंगी सांस्कृतिक प्रतिष्ठानको सप्तरंगी प्रतिभाको खोजी–२०७७ सम्पन्न भएको छ ।

प्रतिभाको खोजी एकल खुला गायनतर्फ पर्वतका अरुण सुनार भए । यस्तै, गायनतर्फ कास्कीकी संगीता गायकले द्वितीय, म्याग्दीका राम घर्तिमिरे तृतीय र बागलुङका जीवन विश्वकर्माले सान्त्वना स्थान प्राप्त गर्न सफल भए ।

प्रतियोगितामा प्रथम पुरस्कार ५० हजार रुपैयाँ छ । यस्तै, द्वितीय, तृतीय र सान्त्वना पुरस्कार क्रमशः २५ हजार, १५ हजार, ७ हजार ५ सय, प्रमाणपत्र र ट्रफी छ । प्रतियोगितामा सहभागीलाई २÷२ हजार नगद र प्रमाणपत्रसमेत प्रदान गरिएको थियो ।

सामूहिक लोकनृत्यतर्फ नेपाल मगर विद्यार्थी संघ तनहुँ पहिलो भएको छ

सप्तरंगी प्रतिभाको खोजीअन्तर्गतको सामूहिक लोकनृत्यतर्फ नेपाल मगर विद्यार्थी संघ तनहुँको पोल्टामा प्रथम पुरस्कार पुग्यो । यस्तै, म्याग्दीको लालीगुराँस पुन मगर समाजको थाली नृत्यले द्वितीय, कास्की सिक्लेस पार्चेको रोधी नृत्यले तृतीय र बिटुडी डान्स स्कुल कास्कीको झ्याउरे नृत्यले सान्त्वना स्थान प्राप्त गरे । लोकनृत्यतर्फ गण्डकी प्रदेशका मनाङ जिल्ला बाहेकका १२ समूहले सहभागिता जनाएका थिए ।

लोकनृत्यतर्फ कौडा नृत्यद्वारा तनहुँको विशेष चिनारी प्रस्तुत गरेको तनहुँले विजेतासँगै नगद एक लाख, ट्रफी र प्रमाणपत्रसमेत हात पार्न सफल भयो । द्वितीय, तृतीय र सान्त्वना हुने टिमले क्रमशः ५०, २५ र १५ हजार नगदसँगै प्रमाणपत्र र ट्रफी प्राप्त गरे । यस्तै, फाइनमा पुगेका सबै टिमलाई नगद पाँच हजारसहित प्रमाणपत्र प्रदान गरियो ।

गण्डकी प्रदेशका आर्थिक मामिला तथा योजना मन्त्री किरण गुरुङले सीमानाले देश सानो, अवस्थाले गरिब भए पनि कला र संस्कृतिले विशाल र धनी रहेको बताए । साथै उनले प्रदेश सरकारले छुट्टाएको रकमले विशाल कार्यक्रम आयोजना गरेकोमा आयोजक संस्था सप्तरंगी सांस्कृतिक प्रतिष्ठानलाई आभारसमेत व्यक्त गरे ।

गण्डकी प्रदेश सरकार सामाजिक मन्त्रालयसँगको सहकार्यमा सम्पन्न सप्तरंगी प्रतिभाको खोजी–२०७७ को एकल गायनका लागि विभिन्न चरणबाट फाइनल राउण्डका लागि १२ जना छनौट गरिएको थियो । सोही समारोहबीच महानगर प्रज्ञा प्रतिष्ठानका पदाधिकारीलाई सम्मानसमेत गरिएको थियो ।

कार्यक्रमका गायनतर्फ संगीतकार बिबी अनुरागी, गायक विनोद बानिया र गायिका अजुदा थापा थिए । नृत्यतर्फ नृत्य निर्देशक गम्भीर बर्देवा, धनबहादुर गुरुङ, गमबहादुर गुरुङ र राजबहादुर गुरुङ थिए । संस्थाका कार्यबाहक अध्यक्ष खिमकुमार गुरुङको सभापतित्वमा सम्पन्न कार्यक्रमको सञ्चालन संस्थाका महासचिव मनकुमार श्रेष्ठले गरेका थिए ।

Related News

सम्बन्धित समाचार

    • अब बाँच्छ सिक्लेसी ठाडो भाका

      धनबहादुर गुरुङ धनबहादुर गुरुङ चैत्र १९, २०७७
      पोखरा । पर्यटकीय गाउँ सिक्लेसकी नौमाया गुरुङ सानैदेखि गाउन सिपालु थिइन् । सिक्लेसमा घाटु, सोरठी, कृष्ण चरित्र, कस्केली ठाडोभाका लगायत…
    • प्रवीण गुरुङको स्मृतिमा जन्मभूमिमा साताव्यापी कार्यक्रम

      Avatar आदर्श समाज सम्वाददाता चैत्र ५, २०७७
      हेमजा । अन्नपूर्ण गाउँपालिकाले लोक गायक  प्रवीण गुरुङको स्मृतिमा उनको जन्म गाउँ अन्नपूर्ण ६ लुम्लेमा साताव्यापी कार्यक्रम गर्ने भएको छ…
    • सुनिल गायकको ‘कहिले भइन’ सार्वजनिक

      Avatar आदर्श समाज सम्वाददाता चैत्र ५, २०७७
      पोखरा । सुनिल गायकको ‘कहिले भइन’ म्युजिक भिडियो सार्वजनिक भएको छ । सारङ्गी म्युजिक स्टुडियोको प्रस्तुति र सुनिलकै शब्द संगीतमा…
    • लकडाउनपछि कलाकारको व्यस्तता बढ्दै

      rss रासस चैत्र २, २०७७
      बागलुङ । अहिलेका उम्दा गायक प्रकाश सपुत गत महिनाभर व्यस्त रहनुभयो । फागुनको साङ्गीतिक यात्रालाई शनिबार अछाम महोत्सवमा बिट मार्नुभयो…
    • लोकदोहोरीमा बागलुङ प्रथम

      Avatar आदर्श समाज सम्वाददाता चैत्र १, २०७७
      पोखरा। राष्ट्रिय लोक तथा दोहोरी गीत प्रतिष्ठान नेपाल गण्डकीले आयोजना गरेको लोकदोहोरी गीत प्रतियोगितामा बागलुङ विजयी भएको छ । फाइनलमा…

    hero news full width

    sanil ads

    wordlink ads