लक्ष्मण थापाले ल्याए ‘अक्षरहरुको मूर्च्छना’

आदर्श समाज सम्वाददाता
चैत्र १४, २०७७
laxman thapa

पोखरा । साहित्यकार लक्ष्मण थापाको पाँचौ कृति कविता संग्रह ‘अक्षरहरुको मूर्च्छना’ शनिबार पोखरामा लोकार्पण गरिएको छ ।

पोखरेली युवा सास्कृतिक परिवार (पोयुसाप) को आयोजनामा भएको कार्यक्रममा साहित्यकार, नेपाल राष्ट्रिय संगीत तथा नाट्य प्रज्ञा प्रतिष्ठानका पूर्व कुलपति सरुभक्तले कवि तथा साहित्यकारले संख्या भन्दा अजम्बरी हुने कृति प्रकाशन गर्नुपर्नेमा जोड दिए ।

संस्कृतिकर्मी तथा तीर्थ श्रेष्ठले असल साहित्यकारले शब्दलाई उचित सम्मान गर्न सक्नुपर्ने बताउँदै आफ्ना रचनाहरुमा अनावश्यक थोपारेर शब्दको अवमूल्यन गर्न नहुने भनाइ राखे ।

उक्त अवसरमा कलाकार तथा साहित्यकार रमेश श्रेष्ठ, पोखरा महानगर प्रज्ञा प्रतिष्ठानका कुलपति पदमराज ढकाल, लोक गायिका हरिदेवी कोइराला, नवनीत साहित्य सागरका अध्यक्ष तथा छोरेपाटन माविका प्रधानाध्यापक डिल्लीराम शर्मा लगायतले शुभकामना व्यक्त गरे । उनीहरुले श्रष्टा थापा आफ्नो मनमा भएका उकुसमुकुसलाई रचनामार्फत् व्यक्त गर्ने स्वभाव रहेको व्यक्ति रहेको बताए ।

श्रष्टा लक्ष्मण थापाले पोखरेली साँस्कृतिक परिवारले आफूलाई कवि बनाउन प्रेरणा दिएको तथा पुछार सिटे अभियानले कृति प्रकाशनमा हौसला मिलेको बताउँदै यस कार्यमा सहयोग गर्ने सम्पूर्णप्रति हार्दिक आभार व्यक्त गरे । कार्यक्रममा कृतिको समालोचनात्मक समीक्षा सञ्जीव पौडेलले र श्रष्टा परिचय पोखरेली साँस्कृतिक परिवारका पूर्व अध्यक्ष दीपक समीपले गरेका थिए । पोखरेली सांस्कृतिक परिवारका अध्यक्ष मोति भुजेलको अध्यतामा भएको कार्यक्रममा स्वागत उपाध्यक्ष उपेन्द्र पौडेलले र कार्यक्रम सञ्चालन सचिव डा. चैतन्य अधिकारीले गरेका थिए ।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग