लायन्स ३२५ बी १ काे अधिवेशन : गभर्नरमा विशेश्वर

आदर्श समाज सम्वाददाता
चैत्र १४, २०७७
lions pic~durga pd paudel

तस्बिर : दुर्गा पाैडेल

पोखरा। लायन्स क्लब्स इन्टरनेशनल डिष्ट्रिक्ट ३२५ बि १ नेपालको पोखरामा सम्पन्न नवौं कन्भेन्सनबाट डिष्ट्रिक्ट गभर्नरमा विशेश्वर आचार्य निर्वाचित भएका छन् ।
नोभेल एकेडेमी पोखराका प्रमुख कार्यकारी अधिकृत आचार्य २३ वर्षदेखि निरन्तर लायन्स क्लबमा सक्रिय रहँदै आएका छन् ।

विभिन्न पद हुँदै गभर्नर बने आचार्यले आफ्नो कार्यकालमा दीगो विकाससँग सम्बन्धित कार्यक्रमलाई प्राथमिकतामा राख्ने योजना अगाडि सारेका छन् । सम्पूर्ण लायन्सलाई समेटेर डिष्ट्रिक्टको नेतृत्व गर्ने उनले प्रतिबद्धता छ ।

यस्त, डिष्ट्रिक्टको प्रथम भाइस गभर्नरमा महेन्द्र पौडेल र द्वितीय भाइस गभर्नरमा मनिश्री रत्न बज्राचार्य निर्विरोध निर्वाचित भए ।

लायन्सको आइडि इन्डोर्सीमा बालकृष्ण बुर्लाकोटीले शतप्रतिशत मत प्राप्त गरी विजयी भएका छन् । उनले अन्तर्राष्ट्रिय निर्देशकका लागि मल्टिपलमा प्रतिस्पर्धा गर्नुपर्ने प्रावधान छ ।
यसैगरी, लायन वर्ष २०२१÷०२२ का लागि विभिन्न पदमा मनोनीत गरिएको छ । डिष्ट्रिक्ट क्याबिनेट सेक्रेटरीमा दुर्गाप्रसाद हुमागाईं, क्याबिनेट ट्रेजरमा पृथ्वीराज तिमिल्सिना, डिष्ट्रिक्ट चिफ एड्भाइजरमा राजेन्द्रकुमार बाटाजु, पिआरओ इन चिफमा उदयकुमार नेपाल, लङरेन्ज प्लानिङ कमिसन चिफ रामबहादुर बसेल, लायन्स प्रोजेक्ट्स म्यानेज्मेन्ट चिफमा ध्रुव श्रेष्ठ, चिफ डिष्ट्रिक्ट एड्मिनिस्ट्रेटरमा चण्डीप्रसाद अर्याल, चिफ एम्बास्डर अफ गभर्नरमा रामचन्द्र पोखरेल छन् ।

यस्तै, डिष्ट्रिक्ट एड्मिनिस्ट्रेटरततर्फ गण्डकी–धौलागिरिमा किशोर बराल, वाग्मतीमा अर्जुन लामिछाने, वेलफेयर बैंक चिफमा मिलन थापा, सस्टेनेवल डेभलपमेन्ट गोल चिफमा रामबहादुर (आरबी) अधिकारी, लिडरसीप एकेडेमी चिफमा सुचित्रा थापा मनोनीत भए ।

लियो डिस्ट्रिक्ट प्रेसिडेन्टमा प्रकाश थापा, भाइस प्रेसिडेन्टमा योगेश गौतम मनोनीत भएका छन् ।

पोखरामा आयोजित कन्भेन्सनमा करिब ४ हजार लायन्स सदस्यको सहभागिता थियो । सो अवसरमा पढाउ अभियान कार्यक्रम (लायन्स शिक्षा कोष) अन्तर्गत २ सय ८० ट्रस्टिद्वारा करिब ५ सय छात्रछात्रालाई छात्रवृत्ति वितरण गरिएको थियो ।

हाल लायन्सको डिष्ट्रिक्ट गभर्नर मनबहादुर रोका छन् । उनको कार्यकाल जुन अन्त्यदेखि सकिनेछ ।

Related News

सम्बन्धित समाचार

    • संक्रमित घटेसँगै परीक्षणमा कमी

      धनबहादुर गुरुङ असार ६, २०७८
      पोखरा । प्रदेश जनस्वास्थ्य प्रयोगशाला पोखराकी निमित्त निर्देशक सपना सुवेदीलाई २ साता अघिसम्म स्वाब परीक्षण गर्न भ्याइनभ्याइ थियो । तारन्तार…
    • सत्ता सहमतिमा मन्त्री नै वाधक !

      आदर्श समाज सम्वाददाता असार ६, २०७८
      पोखरा । नेपाली कांग्रेसका कृष्णचन्द्र नेपाली पोखरेलको नेतृत्वमा जेठ २९ मा बनेको सरकारले नीति तथा कार्यक्रम र बजेट ल्याइसकेको छ…
    • निगालोको चोया, जिउने सहारा

      धनबहादुर गुरुङ असार ६, २०७८
      पोखरा । छेवैमा ह्वील चियर विश्राम दिएर चेतबहादुर गुरुङ स्याँखु बुन्दैछन् । गत सातादेखि सुरु गरेको काम सक्नै आँटेका छन्…
    • संविधान जोगाउने दायित्व कांग्रेसमाथि : मुख्यमन्त्री पोखरेल

      आदर्श समाज सम्वाददाता असार ५, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले संविधानमाथि अहिले खतरा उत्पन्न भएको भन्दै यसको रक्षाको दायित्व नेपाली कांग्रेसमा आएको…
    • विश्वासको मतपछि अब मन्त्रिमण्डल पुनर्गठन तयारी

      प्रकाश ढकाल असार ५, २०७८
      पोखरा । गण्डकीका नवनियुक्त मुख्यमन्त्री कृष्णचन्द्र नेपाली पोखरेलले विश्वासको मत पाएका छन् । उनले शुक्रबार राखेको प्रस्तावमा बहुमत सदस्यले पक्षमा मतदान…

    hero news full width

    sanil ads

    wordlink ads

    trending post

    ट्रेन्डिङ्ग