पोखरा । पोखरा स्वास्थ्य विज्ञान प्रतिष्ठान कुलपतिका लागि ३ जनाको नाम सिफारिस भएको छ । उपकुलपतिका लागि १२ जनाको जनाको आवेदन परेकोमा ९ जनाको नाम सर्ट लिस्टमा परेको थियो । कागजात र योग्यताक्रमका आधारमा तिनै ९ जनाबाट ३ जनाको नाम सिफारिस गरिएको हो ।
प्राडा डुकबहादुर क्षेत्रीको नाम पहिलो नम्बरमा त्यसपछि डा. धु्रव अधिकारी र प्रा. श्रीकृष्ण श्रेष्ठको नाम क्रमश दोस्रो र तेस्रो नम्बरमा परेको छ । सरकारले स्वास्थ्य तथा जनसंख्या मन्त्री हृदयेश त्रिपाठीको अध्यक्षतामा गठन गरेको सिफारिस समितिले आवेदकमध्येबाट ३ जनाको नाम उपकुलपतिका लागि कुलपति प्रधानमन्त्री केपी शर्मा ओली समक्ष सिफारिस गरेको हो । प्रधानमन्त्रीले १ जनालाई उपकुलपतिमा नियुक्त गर्ने प्रावधान छ ।
डा. क्षेत्री यस अघि पनि कुलपतिको प्रतिस्पर्धामा थिए । ४ वर्ष अगाडि डा. बुद्धिबहादुर थापासँगै उनको नाम पनि सिफारिसमा परेको थियो । त्यतिबेला डा. थापाको पल्ला भारी हुँदा डुकबहादुर पछाडि परेका थिए । अर्घाखाँचीमा जन्मेका क्षेत्री प्याथोलोजिस्ट हुन् । स्वास्थ्य सेवाको ११ औं तहबाट अवकाशप्राप्त उनी अहिले गण्डकी मेडिकल कलेजमा कार्यरत छन् । क्षेत्री पोखरा स्वास्थ्य विज्ञान प्रतिष्ष्ठानको पदपूर्ति समिति अध्यक्ष हुन् । जिम्मेवारी खासै नभए पनि वरियतामा उपकुलपतिपछिको पद हो पदपूर्ति समिति अध्यक्ष । २०७२ को संविधानमा सरकार मातहत रहेका सबै संगठित संस्थामा कर्मचारीको पदपूर्ति लोकसेवा आयोगले नै गर्ने उल्लेख भएपछि पदपूर्ति समिति भूमिकाविहीन छ । सिफारिसमा परेका अर्का डा. ध्रुव अधिकारी मुत्ररोग विशेषज्ञ हुन् भने डा श्रेष्ठ बालरोग विशेषज्ञ हुन् ।
पोखरा स्वास्थ्य विज्ञान प्रतिष्ठानमा डा. श्रीकृष्ण श्रेष्ठ, डा. डुकबहादुर क्षेत्र, डा. विदुरबहादुर वस्ती, डा. प्रल्हाद कार्की, डा. सुरेन्द्र शेरचन, डा. ध्रुवबहादुर अधिकारी, डा. भरतबहादुर खत्री, डा. गिरिधारि शर्मा पंगेनी र डा. सरोज शर्माको आवेदन परेको थियो ।
समितिले पाटन स्वास्थ्य विज्ञान प्रतिष्ठानमा पहिलो नम्बरमा प्राडा राजेशनाथ गंगोलको नाम सिफारिस गरेको छ । त्यसैगरी, दोस्रो नम्बरमा रेडियोलोजिस्ट प्राडा दानबहादुर कार्कीको नाम सिफारिस गरिएको छ ।
कर्णाली स्वास्थ्य विज्ञान प्रतिष्ठानमा मंगल रावलको नाम १ नम्बरमा परेको छ । त्यहाँकै डिन डा. रेशम रानाको दोस्रो नम्बर र अर्का एक जनाको नाम तेस्रो नम्बरमा सिफारिस गरिएको छ ।
समितिले ८ चैतमा तीनवटै प्रतिष्ठानका लागि निवेदन परेका मध्येबाट सर्टलिस्ट छनौट गरी सार्वजनिक गरेको थियो । त्यसबेला २१ जनाले निवेदन दिएको कर्णाली स्वास्थ्य विज्ञान प्रतिष्ठानका लागि १३ जनाको नाम छनोट गरेको थियो ।
त्यसैगरी पाटन र पोखरामा १२–१२ जनाले निवेदन दिएको मध्ये ९/९ जनाको नाम सिमितले छनोट गरेको थियो । प्राडा. बुद्धिबहादुर थापाको कार्यकाल सकिएपछि प्रतिष्ठानमा उपकुलपतिको खोजी भएको हो । अहिले डिन डा. नरेन्द्रविक्रम गुरुङले निमित्त उपकुलपति भएर काम चलाइरहेका छन् ।
Related News
सम्बन्धित समाचार
पोखरा भिलेज अब चारतारे
पोखरा १० का सामुदायिक विद्यालयलाई स्टे्सनरी सहयोग
भुजेल समाजको रक्तदान
स्पोर्टस् अवार्डमा सहयोग प्रतिबद्धता
हेमजामा नागरिक आरोग्य कार्यक्रम
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१