खास्टेताल महोत्सव सुरु : ‘प्रकृति र संस्कृतिलाई पर्यटनसँग जोड्नु पर्छ’

Avatar आदर्श समाज सम्वाददाता
चैत्र १३, २०७७
khastE LAKE 2

लेखनाथ  । गण्डकी प्रदेशका मुख्यमन्त्री पृथ्वीसुब्वा गुरुङले प्रकृति र संस्कृति जोडेर पर्यापर्यटन अवधारण अनुसार अगाडि बढ्न आग्रह गरेका छन् ।

लेखनाथमा बिहीबार खास्टे ताल महोत्सव उद्घाटन गर्दै मुख्यमन्त्री गुरुङले गण्डकी प्रदेशमध्येको पनि श्रेष्ठ भएकाले यहाँ रहेका प्राकृतिक स्रोतसाधन संरक्षण गर्दै मानव समृद्धिका लागि प्रयोग गर्नुपर्नेमा जोड दिए ।

उनले प्राकृतिक र सांस्कृतिक सम्पदाको संरक्षण गरी मावनहितमा प्रयोग गर्दै आर्थिक समृद्धिसँग जोनुपर्नेमा जोड दिए ।

पोखरा ताल, हिमाल लगायत विविधतायुक्त प्राकृतिक स्रोतसाधनले सुसज्जित रहेको बताउँदै यहाँको विकासका लागि तीनै तहको सरकारबीच आपसी सहकार्य र समन्वय गरेर अगाडि बढ्नुपर्ने बताए ।

उनले लेखनाथ र पोखराका तालहरुको एकीकृत विकासका लागि योजना बनाएर अगाडि बढ्ने योजना रहेको सुनाए । उनले मेला, महोत्सव पर्यटन विकासको पूर्वाधार समेत भएको पनि बताए ।

पूर्व सभामुख तारानाथ रानाभाटले तालको विशेषता अनुसार विकास गराउँदै लैजानु पर्ने सुझाव दिए ।

पूर्व मन्त्री एवं प्रतिनिधिसभा सदस्य खगराज अधिकारीले वर्तमान सरकारले ताल संरक्षणमा जोड दिएको बताउँदै प्रकृतिक र मानवबीचको सम्बन्ध जीवन्त बनाइराख्न यहाँका तालतलैया र अन्य प्राकृतिक स्रोतसाधन नबिग्रने गरी संरक्षण गर्नुपर्ने धारणा राखे ।

नेपाली कांग्रेस कास्कीका सभापति कृष्ण केसीले प्राकृतिक स्रोत मानव जीवनको अभिन्न अंग भएकाले यी प्राकृतिक वस्तु संरक्षणमा साझा एजेन्डा चाहिने सुझाव दिए ।

पोखरा महानगरपालिकाका प्रमुख मानबहादुर जिसीले अबको १ महिनामा यहाँका तालको मापदण्ड कायम गरी ताल संरक्षणका लागि एकीकृत विकासका योजना ल्याउने बताए ।

गण्डकी प्रदेश विकास समिति सभापति दीपक कोइरालाले ताल संरक्षणका लागि एकीकृत गुरुयोजना बनाउनुपर्ने बताए ।

कार्यक्रममा लेखनाथ उद्योग वाणिज्य संघका अध्यक्ष बलराम ढकाल, पोखरा २६ का वडाध्यक्ष नारायणप्रसाद बरालले तालतलैयालाई आयआर्जनमा जोड्नुपर्ने बताए ।

खास्टे तथा न्यूरेनीताल संरक्षण समितिका अध्यक्ष हरिप्रसाद अधिकारीको अध्यक्षतामा भएको कार्यक्रमको सञ्चालन सचिव ईश्वरीप्रसाद अधिकारीले गरेका थिए ।

कार्यक्रममा स्वागत उपाध्यक्ष इन्दु लामिछाने र धन्यवाद ज्ञापन प्रचार प्रसार संयोजक ईश्वरराज भण्डारीले गरेका थिए ।

महोत्सव उद्घाटन झाँकी सहित र्‍याली निस्केको थियो । खरानेफाँट चोकबाट विभिन्न जातजाति, महिला, आमा समूह, टोल विकास संस्था र युवा क्लबको सहभागितामा करिब ७० बढी समूहले आ–आफ्नो संस्कृति झल्किने गरी भेषभूषा प्रस्तुत गरेका थिए ।

चैत्र २२ सम्म चल्ने महोत्सवमा विभिन्न प्रकृतिका १ सय १० स्टल राखिएका छन् ।

महोत्सवमा कलाकारको दैनिक प्रस्तुति हुने सहसंयोजक शिवहरि ढुंगानाले जानकारी दिएका छन् ।

Related News

सम्बन्धित समाचार

    • भेडीगोठमा झलल बिजुली, सरर्र मोटर

      Avatar आदर्श समाज सम्वाददाता वैशाख ६, २०७८
      लमजुङ । बेलायती सेनामा छाती नाप्न जानु अघि मजनबहादुर गुरुङलाई लागेको थिएन आफ्नो गाउँमा यति धेरै विकास होला । जन्मे,…
    • पर्यटन प्रवद्र्धनमा युनाइटेड क्लब

      Avatar आदर्श समाज सम्वाददाता वैशाख ५, २०७८
      पोखरा। युनाइटेड क्लबको साताव्यापी कार्यक्रम अन्तर्गत पाँचौ दिन पर्यटकीय क्षेत्र बैदाममा पहिचान झल्किने होडिङ बोर्ड राखिएको छ । सो बोर्डको…
    • जापानी भाषा वक्तृत्वकला प्रतियोगिता हुने

      Avatar आदर्श समाज सम्वाददाता वैशाख ५, २०७८
      पोखरा । भाषा सङ्घ नेपालको आयोजनामा यही वैशाख ९ गते पोखरामा जापानी भाषा वक्तृत्वकला प्रतियोगिता हुने भएको छ । पोखरासहित गण्डकी…
    • स्याङ्जाका द्वन्द्वपीडित ८ जनालाई परिचयपत्र

      Avatar आदर्श समाज सम्वाददाता वैशाख ५, २०७८
      स्याङ्जा । सत्य निरुपण तथा मेलामिलाप आयोगले ८ जनालाई परिचयपत्र हस्तान्तरण गरेको छ । आयोगका सदस्य मनु दाहालसहितको टोली स्याङ्जा…
    • जिल्ला प्रहरी कार्यालय स्याङ्जा प्रदेशमै उत्कृष्ट

      Avatar आदर्श समाज सम्वाददाता वैशाख ५, २०७८
      पोखरा । गण्डकी प्रदेश प्रहरी कार्यालय पोखराले जिल्ला प्रहरी कार्यालय स्याङ्जाले माघ–चैतमा गरेको कार्य सम्पादन अब्बल भएको ठहरसहित प्रदेशका प्रहरी…

    hero news full width

    sanil ads

    wordlink ads

    Recent Posts

    भर्खरै