आगामी बजेट राहत प्याकेजमा केन्द्रित गर्न पोखरा उवा संघको सुझाव

आदर्श समाज सम्वाददाता
चैत्र १२, २०७७
Budget and gandaki province

पोखरा । पोखरा उद्योग वाणिज्य संघले आगामी बजेट कोभिड–१९ ले अर्थतन्त्रमा पु¥याएको असर न्यूनिकरण गर्ने र निजी क्षेत्रलाई राहत दिनेखालको हुनुपर्ने माग दोहो¥याएको छ ।

पोखरा उद्योग वाणिज्य संघ तथा आइबिएन मिडिया एण्ड रिसर्चले बिहीबार पोखरामा आयोजना गरेको आउँदोको बजेट तथा गण्डकी प्रदेशको अपेक्षा विषयक अन्तरक्रिया कार्यक्रममा संघका अध्यक्ष नारायण कोइरालाले सो माग दोहो¥याएका हुन् । उनले कोभिड–१९ को दोस्रो लहर सुरु भएको र यसले समग्र आर्थिक क्षेत्रमा प्रभाव पार्नसक्ने देखिएकोले बजेट राहत प्याकेजमा केन्द्रित हुनुपर्नेमा जोड दिए ।

‘गिर्दो अर्थतन्त्र उकास्नका लागि सरकारबाट घोषित कार्यक्रम कार्यान्वयनमा सुस्तता देखिएको छ,राजनीतिक तरलताले लगानी सुरक्षित नहुने जोखिम बढेको छ’, उनले भने,‘ लागत बढ्ने र उत्पादकत्व घट्ने परिस्थिति निजी क्षेत्रको लागि अभिषाप भएको छ अबको बजेट वर्तमान परिस्थितिले सृजना गरेका समस्या सल्टाउने बजेट आओस् ।’

उनले गण्डकी प्रदेशका आर्थिक मामिला तथा योजनामन्त्री किरण गुरुङ तथा संघीय सरकारको बजेट निर्माणमा सल्लाहकारको भूमिका निर्वाह गर्दै आएका अर्थशास्त्री केशव आचार्यलाई संघको तर्फबाट बजेटमा समेटिनुपर्ने विषयहरु लिखित रुपमै हस्तान्तरण गरे । अध्यक्ष कोइरालाले नीतिगतसहित उद्योग,निर्यात,कृषि,राजश्व र कर,पर्यटन, यातायात क्षेत्रको लागि सरकारले दिनुपर्ने सुविधाबारे बिस्तृत सुझाव पेश गरेका हुन् ।

कार्यक्रममा गण्डकीका आर्थिक मामिला तथा योजनामन्त्री किरण गुरुङले गण्डकी सरकार निजी क्षेत्रको माग संवोधन गर्न सकारात्मक भएको बताए । नेपाल उद्योग वाणिज्य संघका केन्द्रीय सदस्य तथा पोखरा उद्योग वाणिज्य संघका निवर्तमान अध्यक्ष दामु अधिकारीले विद्युतीय कारोबारलाई प्रोत्साहन गर्नुपर्नेमा जोड दिए ।

उनले उद्योगको कच्चा पदार्थ र विद्युतीय सामानहरुमा भन्सार छुटको माग पनि गरे । महासघंका केन्द्रीय सदस्य तथा लेखनाथ उद्योग वाणिज्य संघका पूर्वअध्यक्ष बाबुराम गिरीले बजेट वितरणमुखी हैन कि अर्थतन्त्र उकास्ने खालको हुनुपर्नेमा जोड दिए ।

अर्थशास्त्री केशव आचार्यले मानव विकास सूचकांकमा गण्डकी प्रदेश अगाडि रहेको तथ्य पेश गर्दै सरकारले आउँदो बजेट सार्वजनिक स्वास्थ्यको क्षेत्रमा लगाउनुपर्ने धारणा राखे । उनले गण्डकीको अर्थतन्त्रमा सेवा क्षेत्रको ५२.६४ प्रतिशत योगदान रहेकोले पनि सेवा क्षेत्र तहसनहस हुँदा अर्थतन्त्र खस्कनसक्ने चिन्ता व्यक्त गरे ।

उनको कार्यपत्रमाथि टिप्पणी गर्दै प्राध्यापक प्राध्यापक डाक्टर यादव शर्मा गौंडेलले बजेट विनियोजन गर्दा कार्यप्रगतिलाई आधार बनाउनुपर्ने बताए । पृथ्वीनारायण क्याम्पसका अर्थशास्त्र विभागका अध्यक्ष लेखनाथ भट्टराईले गण्डकी प्रदेश सरकारले पर्यटन, जलस्रोत र जडिबुटीको क्षेत्रमा बढी लगानी गर्नुपर्ने बताए ।

नेपाल उद्योग वाणिज्य महासंघ गण्डकीकी महिला उद्यमी विकास समिति सदस्य रामकली खड्काले विदेशी मुद्रा भित्र्याउने हस्तकला उद्योगलाई विशेष सहुलियत र प्राथमिकता दिनुपर्नेे माग गरिन् । नेपाल पर्यटन बोर्डका पूर्वसदस्य टीकाराम सापकोटाले आन्तरिक पर्यटन प्रवद्र्धन गर्न बिदा पर्यटनको अवधारणा कार्यान्वयन हुनुपर्ने बताए ।

पोखरा उद्योग वाणिज्य संघका उपाध्यक्ष गोकर्ण कार्कीले आउँदो बजेटले उत्पादनमूलक क्षेत्रलाई विशेष महत्व दिनुपर्ने तथा रुग्ण उद्योगलाई सहुलियत प्याकेजको माग गरे । पोखरा उद्योग वाणिज्य संघकी कार्यसमिति सदस्य पवित्रा गुरुङले महिला उद्यमीहरुको उत्पादन बिक्रीको लागि कोसेली घर बनाउनुपर्ने बताइन् ।सुनचाँदा व्यवसायी संघ कास्कीका महासचिव तारा गौतमले सुनको आपूर्ति बढाउन माग गरे । थोक व्यवसायी संघ कास्कीका अध्यक्ष लेखनाथ सुवेदीले कर तिर्ने व्यवसायीहरुको संरक्षण हुन नसकेको गुनासो गरे । पर्यटन व्यवसायी पुष्पराज बरालले होमस्टेलाई अनुदान दिने प्रदेश सरकारको नीति गलत भएको बताए ।

नेसनल लाइफ इन्स्योरेन्सका गण्डकी प्रमुख केशवराज ढकालले पेन्सन योजना नै इन्स्योरेन्स कम्पनीलाई दिनुपर्ने माग गरे । जनप्रिय बहुमुखी क्याम्पसका उपप्राध्यापक विश्वमोहन अधिकारीले सरकारबाट घोषित राहत प्याकेजहरु सबै व्यवसायीसम्म नपुगेको तथ्य प्रस्तुत गरे । आइबिएन मिडिया एण्ड रिसर्च सेण्टरका प्रबन्ध निर्देशक हृदय गौतमले बजेटमा निजी क्षेत्रका भावना प्रतिनिधित्व हुनुपर्नेमा जोड दिए ।

Related News

सम्बन्धित समाचार

    • झन् बढ्यो कोरोना सङ्क्रमण

      रासस श्रावण ९, २०७८
      काठमाडौं । नेपालमा कोराना सङ्क्रमितको सङ्ख्या बढ्दै गएको छ । पछिल्लो २४ घण्टामा सङ्क्रमितको सङ्ख्या बढेर तीन हजार ११४ पुगेको…
    • नेपाली कांग्रेसको वडा अधिवेशन स्थगित

      आदर्श समाज सम्वाददाता श्रावण ९, २०७८
      काठमाडौं, ९ साउन । नेपाली कांग्रेसमा क्रियाशील सदस्यताको ढिलाइका कारण आशन्न १४औँ महाधिवेशनअन्तर्गत अन्य महाधिवेशन कार्यतालिका प्रभावित भएको छ ।…
    • अग्रपंक्तिमा खटिनेलाई १ करोड भत्ता

      आदर्श समाज सम्वाददाता श्रावण ९, २०७८
      हेमजा  । गण्डकी प्रदेश सरकारले कोरोना रोकथामका लागि अग्रपंक्तिमा खटिने स्वास्थ्यकर्मी, सुरक्षाकर्मी र सरसफाइकर्मीको प्रोत्साहनका लागि १ करोड रकम विनियोजन गर्ने…
    • घटेन सक्रिय संक्रमित

      आदर्श समाज सम्वाददाता श्रावण ९, २०७८
      पोखरा । गण्डकी प्रदेशमा कोरोनाका २ हजार ९ सय ३० जना सक्रिय संक्रमित छन् । लकडाउन खुकुलोसँगै बजारमा चहलपहल बढ्दा सक्रिय…
    • पोखरेल सरकार पूर्ण

      आदर्श समाज सम्वाददाता श्रावण ८, २०७८
      पोखरा । गण्डकी सरकारले पूर्णता पाएको छ । ११ मन्त्रालय रहेको यहाँ शुक्रबार थप ६ जना मन्त्रीको नियुक्तिसहित कार्यविभाजन टुंगाइएको…

    hero news full width

    Gandaki University

    sanil ads

    wordlink ads