चेपाङको आयआर्जन वृद्धिका लागि उन्नत जातका बोयर बोका वितरण

Avatar आदर्श समाज सम्वाददाता
चैत्र ११, २०७७
boyar boka

मुग्लिन । बाख्रापालनबाट चेपाङको आयआर्जन वृृद्धिका लागि उन्नत जातका बोयर बोका वितरण गरिएको छ ।

चितवनको इच्छाकामना गाउँपालिका–१ काउले र कालिङडाँडाका चेपाङलाई चितवनको सौराहास्थित सपना भिलेज सोशल इम्प्याक्ट र गाउँपालिकाले बोका वितरण गरेका हुन् । चेपाङ समुदायको जीवनस्तर उकास्ने उद्देश्यले ‘सबै यात्राको शुरुआत एक सपनाबाट हुन्छ’ नामक परियोजना शुरु गरेको इम्प्याक्टले फलफूलका बिरुवापछि मङ्गलबार बोयर जातको बोका वितरण गरेको हो ।

गाउँपालिकाको ३० र इम्प्याक्टको ७० प्रतिशत लगानीमा बोका वितरण गरिएको हो । परियोजनाअन्तर्गत यहाँका चेपाङ समुदायलाई ११ समूहमा विभाजन गरी प्रत्येक समूहलाई दुई÷दुईवटाका दरले २२ बोका वितरण गरिएको छ ।

चेपाङ बस्तीमा आयोजित कार्यक्रममा गाउँपालिका अध्यक्ष गीताकुमारी गुरुङ र इम्प्याक्टका अध्यक्ष ध्रुव गिरीले संयुक्तरूपमा समूहका अगुवालाई बोका हस्तान्तरण गर्नुभएको हो । गाउँपालिका अध्यक्ष गुरुङले चेपाङ समुदायको आर्थिक तथा सामाजिक विकासका लागि गाउँपालिकाले चेपाङ उत्थान कार्यविधि तयार गरेको र कार्यविधिअनुसार नै चेपाङ समुदायलाई सपना भिलेज सोशल इम्प्याक्टको सहकार्यमा बोयर जातका बोका वितरण गरिएको बताउनुभयो ।

‘अब मागेर होइन गरेर खानुपर्छ’ भन्ने नाराका साथ गरेर खाने वातावरण बनाउन विभिन्न आयआर्जनमूलक कार्यक्रम सञ्चालन गरिएको उहाँले बताउनुभयो । कार्यक्रममा इम्प्याक्टका अध्यक्ष गिरीले चेपाङ समुदायको जीवनस्तर उकास्न परियोजना शुरु गरिएको भन्दै दैनिक जीवनमा चेपाङ समुदायले गर्ने क्रियाकलापलाई प्रतियोगितामा समावेश गरी आर्थिक उन्नतिको बाटो परिचालन गरिएको बताउनुभयो । उहाँले यसअघि फलफूलका बिरुवा वितरण गरिसकेको बताउनुभयो ।

कार्यक्रमा वडा नं १ का वडाध्यक्ष नन्दलाल गिरीले परियोजनाले चेपाङ समुदायको आर्थिक, सामाजिक व्यवहारमा सकरात्मक परिवर्तन आएको बताउनुभयो । यसअघि सरसफाइ, कृषि, बालबालिकालाई विद्यालय नियमित पठाउनेलगायत विभिन्न विधामा प्रतिस्पर्धा गराई रु सात लाख बराबरको पुरस्कार वितरण गरिसकेको पनि इम्प्याक्टले जनाएको छ । रासस

Related News

सम्बन्धित समाचार

    • सुन्तला जोन स्याङ्जा संयोजकमा तारा अर्याल

      Avatar आदर्श समाज सम्वाददाता वैशाख ५, २०७८
      स्याङ्जा। प्रधानमन्त्री कृषि आधुनिकीकरण परियोजना कार्यान्वयन इकाइ सुन्तला सुपरजोन स्याङ्जाको सञ्चालन समिति अध्यक्षमा भीरकोट नगरपालिकाका सुन्तला व्यवसायी तारा अर्याल संयोजकमा चयन…
    • कृषिमा छैनन् दरबन्दी अनुसार कर्मचारी

      Avatar आदर्श समाज सम्वाददाता चैत्र २८, २०७७
      पोखरा । देश संघीय संरचनामा गइसकेपछि देश ७ प्रदेशमा विभाजित भयो । सातै प्रदेशमा आवश्यकता अनुसार मन्त्रालय बने । गण्डकी…
    • पाथार्दीको बाख्राफार्म किसानकोे आकर्षणस्थल

      Avatar आदर्श समाज सम्वाददाता चैत्र २७, २०७७
      जिल्लाको भीमाद नगरपालिका ९ पाथार्दीका बाख्राफार्म पशुपालन किसानका लागि अवलोकनस्थलका रूपमा विकास हँुदै गएको छ । उक्त क्षेत्रमा विभिन्न क्षेत्रबाट…
    • वालिङका सहकारीलाई बिउबिजन वितरण

      Avatar आदर्श समाज सम्वाददाता चैत्र २१, २०७७
      वालिङ । वालिङमा सहकारीलाई बिउबिजन बाँडेर राष्ट्रिय सहकारी दिवस मनाइएको छ । नगरभित्र क्रियाशील अदुवा, बेसार तथा मसलाजन्य सहकारीलाई अदुवाको…
    • बन्दीपुरलाई बाख्रापालन पकेट क्षेत्र बनाइँदै

      rss रासस चैत्र १९, २०७७
      तनहुँ । बन्दीपुर गाउँपालिका १ लाई बाख्रापालनका लागि पकेट क्षेत्र बनाउन लागिएको छ । मासुमा आत्मनिर्भर बनाउने उद्देश्यले गाउँपालिकाले बाख्रापालन…

    hero news full width

    sanil ads

    wordlink ads