राइनासको राष्ट्रपति रनिङशिल्ड शिशुविद्याश्रम माविलाई

आदर्श समाज सम्वाददाता
चैत्र १०, २०७७
Shishu-biddha-shram

लमजुङ। राइनास नगरपालिकामा आयोजना गरिएको नगरस्तरीय तेस्रो राष्ट्पति रनिङशिल्डको उपाधि शिशु विद्याश्रम माध्यमिक विद्यालय तीनपिप्लेले जितेको छ । राइनास नगरपालिका– ६ को धमिलीकुवास्थित गौलीटार खेलमैदानमा उक्त प्रतियोगिता सञ्चालन गरिएको थियो ।

चार दिनसम्म सञ्चालन भई सम्पन्न प्रतियोगितामा ९ स्वर्ण, ६ रजत र ४ कास्य पदक जित्दै शिशु विद्याश्रम माविले राष्ट्रिपति रनिङशिल्डको उपाधी जित्न सफल भएको राइनास नगरपालिका शिक्षा शाखा उपसचिव पूर्णवहादुर अछामीले बताए । उनका अनुसार प्रतियोगितामा ८ स्वर्ण, १२ रजत र ९ कास्यपदक जितेर विरभक्ति मावि तार्कुघाटले दोस्रो स्थान हासिल गरेको छ । यसैगरी, तृतीय स्थान हासिल गर्न सफल भैरव मावि मोहोरियाले ८ स्वर्ण, २ रजत र २ कास्य पदक जितेको छ ।

नगरपालिका भित्रका १२ विद्यालयले भाग लिएको प्रतियोगितामा शौभाग्योदय माविले ४ स्वर्ण, ४ रजत र ११ कास्य पदक जितेको छ भने शारदा माविले २ स्वर्ण, ४ रजत र २ कास्य पदक हात पारेको राइनास नगरपालिका शिक्षा शाखा उपसचिव पूर्णवहादुर अछामीले जानकारी दिए । उनले शैलपुत्री माविले एक स्वर्ण ४ रजत र ३ कास्य पदक, महेन्द्र बालविकास माविले एक स्वर्ण र दुई रजत पदक, रुद्र माविले एक स्वर्ण, एक रजत र २ कास्य पदक जितेको बताउनु भयो । उक्त प्रतियोगितमा राइनास ग्लोबल बोर्डिङले एक स्वर्ण र ५ कास्य पदक, वुद्धमिलन माविले एक स्वर्ण र तीन कास्य पदक जितेको छ भने ज्ञानोदय माविले एक रजत र २ कास्य पदक जितेको छ ।

उपाधी विजेता शिशु विद्याश्रमले रनिङशिल्डका साथ नगद २० हजार, मेडल र प्रमाणपत्र प्राप्त गरेको छ । यसैगरी, दोस्रो र तेस्रो स्थान हासिल गर्ने विद्यालयलाई क्रमशः नगद १० हजार र पाँच हजार नगद सहित मेडल र प्रमाणपत्र प्रदान गरिएको राइनास नगरपालिका शिक्षा शाखा उपसचिव पूर्णवहादुर अछामीले जानाकारी दिए । उनका अनुसार अन्य विद्यालयलाई प्रति स्वर्ण वरवार ५ सय, प्रति रजत वरवार ३ सय र प्रति कास्य वरावर २ सयका दरले नगद सहित मेडल र प्रमाणपत्र पुरस्कार प्रदान गरिएको छ ।

प्रतियोगिताका विजयी विद्यालय तथा खेलाडीलाई राइनास– ६ का वडाअध्यक्ष रुकवहादुर तामाङ, शिक्षा शाखा प्रमुख पुर्णवहादुर नेपालीले संयुक्त रुपमा पुरस्कार वितरण गरेका हुन् ।
विभन्नि १९ वटा विधामा गरिएको प्रतियोगितामा भलिबल, लङजम्प, हाइजम्प, त्रिपलजम्प, कराँते, ज्याभलिङ थ्रो, सटफुट, एथलेटिक्स अन्र्तगत लामो तथा छोटो दुरीका दौड लगायतका छात्रछात्रा दुवैतर्फ खेलाइको थियो । नगरस्तरीय प्रतियोगिता अन्तर्गत प्रत्येक खेल विधामा प्रथम र द्वितीय हुने जिल्लास्तरमा राष्ट्पति रनिङशिल्ड हुने प्रतियोगितामा लिन पाउने छन् ।

प्रतियोगिताको समापन कार्यक्रममा कार्यपालिका सदस्य वेदप्रकाश भुजेल, निमर्ला चिलुवाल लगायत स्थानीय जनप्रतिनिधि, विभिन्न विद्यालयका प्रधानाध्यापक, शिक्षक, अभिभावक लगायतको सहभागिता थियो ।

Related News

सम्बन्धित समाचार

  • तनहुँको फ्रेन्डसीप क्लबलाई फुटबल उपाधि

    आदर्श समाज सम्वाददाता वैशाख ७, २०८१
    लमजुङ । ‘सुखी गाउँ’ घलेगाउँमा नयाँ वर्ष अवसरमा सञ्चालित सातौं स्मार्ट भिलेज गोल्ड फुटबल कप उपाधि तनहुँको फ्रेन्डसीप क्लबले जितेको…
  • लेखनाथ हाफ म्याराथनमा आर्मीका सञ्जय च्याम्पियन

    आदर्श समाज सम्वाददाता वैशाख २, २०८१
    पोखरा । त्रिभुवन आर्मी क्लबका सञ्जय श्रेष्ठले दोस्रो संस्करणको लेखनाथ हाफ म्याराथनको उपाधि जितेका छन् । पोखरा महानगरपालिका खेलकुद विकास…
  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…

hero news full width