पोखरा । दलित महिला संघ जिल्ला शाखा कास्कीको आयोजनामा मानव अधिकारमा आधारित दृष्टिकोण र वकालत तालिम सञ्चालन गरिएको छ । तालिममा पोखरा महानगरपालिकाका ३३ वटै वडाहरुबाट दलित महिला सञ्जालका सदस्यको सहभागिता थियो ।

कार्यक्रममा पोखरा महानगरपालिका कार्यपालिका सदस्य मनबुजा विश्वकर्माले अझै पनि हाम्रो समाजमा जात, वर्ग, भूगोल र पहुँचका आधारमा विभेद र अवसरबाट बञ्चित हुनुपर्ने अवस्था रहेको बताए । मानव अधिकारको दृष्टिकोणले सबैलाई समान अवसर र समान व्यवहार हुनुपर्नेमा जोड दिए । सरकारी कार्यालयबाट पाउनुपर्ने सेवामा पनि जातकै आधारमा विभेद हुने गरेको उनले सुनाए ।

दलित महलिा संघ जिल्ला शाखा कास्की अध्यक्ष सुमित्रा गायकले दलित महिला संघले दलित महिलाको विकास, न्यायमा पहँुच, आर्थिक, राजनीतिक, सांस्कृतिक र सामजिक रुपान्तरणका लागि काम गर्दै आएको स्पष्ट पारिन् ।

२ दिन चलेको कार्यक्रममा मानवअधिकारको अवधारण, विकास, परिभाषा, विश्वव्यापी घोषणपत्र, सरकारी कार्यालयबाट लिइने सेवा सर्भिसमा मानव अधिकार प्रवद्र्धन, पैरवी, जनवकालत, अधिकारमुखी विकाससम्बन्धी प्रशिक्षण दिइएको थियो ।

तालिममा इन्सेक गण्डकी प्रदेश संयोजक शिवप्रसाद खकुरेलले सहजीकरण गरेका थिए । तालिमको उद्देश्यमाथि कार्यक्रम संयोजक खेमराज विश्वकर्माले प्रकाश पारे ।