दमौली । तनहुँको रिसिङ १, झापुटारमा निर्माणाधीन १४० मेगावाट क्षमताको तनहुँ जलविद्युत् आयोजनाको पहिलो प्याकेजका संरचना निर्माणका लागि खरिद सम्झौता भएको छ । निर्माणमा न्यूनतम मूल्यांकित तथा सारभूत रुपमा प्रभावग्राही सोङ दा कर्पोरेसन, भियतनाम–कालिका कन्सट्रक्सन प्रालि, नेपाल जेभीबीच सोमबार खरिद सम्झौतामा हस्ताक्षर भएको हो ।
सम्झौतामा आयोजनातर्फबाट हाइड्रोपावरका प्रबन्ध सञ्चालक प्रदीपकुमार थिके र सोङ दा–कालिका जेभीका तर्फबाट प्रतिनिधि विक्रम पाण्डेले हस्ताक्षर गरे ।
कम्पनीसँग १६ अर्ब ६२ करोड रुपैयाँमा खरिद सम्झौता भएको छ । पहिलो प्याकेजमा नदी फर्काउने, बाँध लगायतका संरचना निर्माण कार्यहरु रहेको प्रबन्ध सञ्चालक थिकेले बताए । उनका अनुसार ठेकेदार कम्पनीले खरिद सम्झौता कार्यान्वयनमा आएको ५७ महिनाभित्र निर्माण कार्य सम्पन्न गर्नुपर्ने व्यवस्था छ । आयोजनाको प्याकेज १ (हेडवक्र्स) निर्माणका लागि निर्माण कम्पनी सिएमसी डि राभेना, इटालीसँग २०७५ असोजमा खरिद सम्झौता रद्ध भए पश्चात कम्पनीले २०७६ वैशाखमा पुनः बोलपत्र आह्वान गरेको थियो ।
कम्पनीसँग १६ अर्ब ६२ करोड रुपैयाँमा खरिद सम्झौता भएको छ
कम्पनीले बोलपत्र प्रक्रियामा प्राप्त कुनै पनि प्राविधिक बोलपत्र सारभूत रुपमा प्रभावग्राही हुन नसकेकोले सबै बोलपत्र अस्वीकृत गरी एसियाली विकास बैंकको खरिद निर्देशिका अनुरुप २०७६ फागुनमा दोस्रोे पटक पुनः बोलपत्र आह्वान गरेको थियो । कोभिड–१९ महामारी रोकथाम र नियन्त्रणका लागि नेपाल सरकारद्वारा जारी लकडाउन तथा अन्तर्राष्ट्रिय हवाई उडानमा लागू गरिएको प्रतिबन्धका कारण पटक–पटक बोलपत्र पेस गर्ने म्याद थप गरिएको थियो । अन्ततः ३ अन्तर्राष्ट्रिय बोलपत्रदाताले बोलपत्र पेस गरेकोमा प्राविधिक बोलपत्रको मूल्यांकन पश्चात सारभूत रुपमा प्रभावग्राही २ बोलपत्रदाताको आर्थिक बोलपत्र खोलिएको थियो ।
आर्थिक बोलपत्रको मूल्यांकनपछि न्यूनतम मूल्यांकित सारभूत रुपमा प्रभावग्राही सोङ्ग दा–कालिका जेभीको बोलपत्र स्वीकृत गरी खरीद सम्झौता गरिएको हो । आयोजनाको सुरुङ, विद्युत्गृह निर्माण र हाइड्रोमेकानिकल तथा इलेक्ट्रोमेकानिकल उपकरण आपूर्ति, जडान तथा सञ्चालन लगायतका दोस्रो प्याकेजको निर्माण कार्य जारी छ । ठेकेदार कम्पनीले केबुल सुरुङ खन्ने कार्य सम्पन्न गरी भूमिगत विद्युत्गृह खन्ने कार्यको अतिरिक्त सर्च ट्यांकतर्फको पहुँच सुरुङ र बाँधतर्फ जाने सेती नदीको दायाँतर्फको पहुँच सुरुङको निर्माण गरिरहेको छ ।
आयोजनाको तेस्रो प्याकेज अन्तर्गत दमौलीबाट भरतपुरसम्म २ सय २० केभीको डबल सर्किट प्रसारण लाइन निर्माण भइरहेको छ । कम्पनीको पुँजी संरचना तथा वित्तीय व्यवस्थापन आयोजनाको कुल लागत (प्रसारण लाइन, ग्रामीण विद्युतीकरण तथा निर्माण अवधिको व्याज समेत) ५० करोड ५० लाख अमेरिकी डलरको लागि एडिबीले १५ करोड, जापान अन्तर्राष्ट्रिय सहयोग नियोग (जाइका) ले १८ करोड ४० लाख, युरोपियन लगानी बैंकले ८ करोड ५० लाख र नेपाल विद्युत् प्राधिकरणले ८ करोड ६० लाख डलर व्यहोर्ने गरी वित्तीय व्यवस्थापन गरिएको जनाइएको छ ।
Related News
सम्बन्धित समाचार
वर्षाले हिलाम्मे पोखरा प्रवेशमार्ग
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
hero news full width
मुख्य समाचार
किरिया बसेका दाजुभाइ परीक्षामा
एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०एमाले कास्कीमा नयाँ नेतृत्वका लागि मतदान
चैत्र १३, २०८०