पोखरा । पोखरा उद्योग वाणिज्य संघले उद्योग व्यवसायलाई असर पर्ने कदम नचाल्न र सचेतनामूलक कार्यक्रम सञ्चालन गर्न कास्की प्रशासनसँग माग गरेको छ ।
पोखरा उद्योग वाणिज्य संघका अध्यक्ष नारायण कोइराला नेतृत्वमा गएको प्रतिनिधिमण्डलले सोमबार कास्कीका प्रमुख जिल्ला अधिकारी थानेश्वर गौतमलाई भेटेर सो माग गरेको हो ।
‘लामो लकडाउनले नेपालको अर्थतन्त्रमा पु¥याएको असरबारे सबै जानकार छौँ’, उनले भने, ‘कोभिड १९ मत्थर नभएको बेला सचेत बन्नुपर्छ, यसको लागि प्रशासनले सचेतताको लागि प्रचार गर्नुपर्छ । मास्क लगाउन र सामाजिक दूरी कायम गर्नुपर्छ तर बजार र व्यवसाय बन्द गरिनु हुँदैन ।’
कोभिड १९ को दोस्रो लहर सुरु भएको भन्दै स्वास्थ्य मन्त्रालयले सूचना जारी गरेपछि लकडाउन हुनसक्नेमा पोउवासंघको ध्यानाकर्षण भएको हो ।
लकडाउन र त्यसपछिको विषम परिस्थितिमा पोखरा उद्योग वाणिज्य संघले नागरिकलाई सचेत रहन सार्वजनिक आह्वान गरेको स्मरण गर्दै उनले कास्कीको सिडिओको रुपमा गौतमको कार्यकालको सफलताको कामना पनि गरे ।
कास्कीका प्रमुख जिल्ला अधिकारी थानेश्वर गौतमले संकटको बेला उद्योगी÷व्यवसायीले सरकारलाई ठूलो सहयोग गरेको स्मरण गरे । राज्यकोष नै रित्तिन लागेको बेला व्यवसायीले कर तिरेर ठूलो गुण लाएको बताउँदै उनले स्थानीय प्रशासन निजी क्षेत्रको समस्याप्रति जानकार र लचिलो भएको उल्लेख गरे ।
प्रतिनिधिमण्डलमा संघका उद्योगतर्फका उपाध्यक्ष गोकर्ण कार्की, महासचिव सुरेन्द्रमान बिजुक्छे, कोषाध्यक्ष बलराम आचार्य, उपमहासचिव केशवबहादुर खत्री र कार्यसमिति सदस्य हर्कबहादुर अधिकारी सहभागी थिए । उनीहरुले प्रमुख जिल्ला अधिकारीसमक्ष पोखरा नगर क्षेत्रको ट्राफिक र फुटपाथ व्यवस्थापन, शान्ति सुरक्षालगायतका विषयमा ध्यानाकर्षण गराएका थिए ।
Related News
सम्बन्धित समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१