प्राडा अधिकारीलाई गीताञ्जली साहित्य रत्न

आदर्श समाज सम्वाददाता
चैत्र ८, २०७७
gitangali

पोखरा । गीताञ्जली साहित्य परिवारले प्रदान गर्ने गीताञ्जली साहित्य रत्न पुरस्कार प्राडा नारायण अधिकारीलाई प्रदान गरिने भएको छ । प्रतिभा छनोट समितिका संयोजक डा. जगन्नाथ रेग्मीको अध्यक्षतामा बसेको बैठकले सो निर्णय गरेको हो । पुरस्कारको राशि ११ हजार ५ सय रुपैयाँ, सम्मानपत्र र दोसल्ला छ ।

बाल साहित्य पुरस्कार दीपशिखा पौडेल र मुक्तकमणि राष्ट्रिय पुरस्कार शंकर ज्ञवालीलाई प्रदान गरिने निर्णयसमेत गरिएको छ ।

हरेक वर्ष प्रदान गरिने ३ वटै पुरस्कार यस वर्ष चैत १४ गते विशेष समारोहको आयोजना गरी प्रदान गरिने गीताञ्जली साहित्य परिवारका अध्यक्ष शिवप्रसाद गौतमले जानकारी दिए ।

डा.जगन्नाथ रेग्मी संयोजक रहेको प्रतिभा छनोट समितिमा पत्रकार दुर्गा अधिकारी र साहित्यकार रामनाथ अधिकारी सदस्य थिए । गीताञ्जली साहित्य रत्न पुरस्कारबाट यसअघि डा. कुसुमाकर न्यौपाने, कवि तेजनाथ घिमिरे, रुद्रबहादुर थापामगर हितानी, तारा पाखे, शरण आसु लगायत सम्मानित भएका थिए ।

२०५८ सालमा स्थापित संस्थाले भाषा साहित्य संस्कृतिको जगेर्ना गर्दै बालबालिका युवायुवती, ज्येष्ठ नागरिकलाई समेत आफ्नो साहित्यिक प्रतिभा प्रस्तुत गर्ने अवसर प्रदान गर्दछ । संस्थाले आफ्नो स्थापनादेखि अहिलेसम्म २२० औं साधना प्रभात नियमित रचनावाचन गरेको छ ।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग