स्याङ्जामा लोकसाहित्यिक संगोष्ठी सकियो

आदर्श समाज सम्वाददाता
चैत्र ८, २०७७
loksahitya

पोखरा । स्याङ्जा साहित्य प्रतिष्ठान र त्रिभुवन आदर्श बहुमुखी क्याम्पसको संयुक्त आयोजनामा लोकसाहित्यिक संगोष्ठी भएको छ ।

त्रिभुवन आदर्श बहुमुखी क्याम्पस मालेबगरमा भएको गोष्ठीमा देशभरका विभिन्न ठाउँहरुबाट लोकसाहित्यका अनुसन्धाता तथा विश्लेषकको सहभागिता थियो ।

प्रमुख अतिथि प्राडा मोतीलाल पराजुलीले लोकसाहित्यको सैद्धान्तिक पक्ष, लोकसाहित्यको अनुसन्धानमा अपनाइएका अभ्यास, लोकसाहित्यको अनुसन्धानका शक्ति र सीमा सम्बन्धमा प्रकाश पारेका थिए । उनले नेपाली लोकसाहित्यका क्षेत्रमा पुरानो पुस्ताले केही उल्लेख्य काम गरिसकेकाले नयाँ पुस्ताले त्यसैको जगमा टेकेर नयाँ नयाँ कामहरु गर्नुपर्ने धारणा व्यक्त गरे ।

त्यस्तै, प्राडा विष्णुप्रसाद पौडेलले लोकसाहित्यका खोजकर्ताहरुले यसको मौलिकता र गरिमालाई चिनेर अगाडि बढ्नुपर्ने बताए ।

प्राध्यापक टंकप्रसाद पन्थले लोकगीतको महत्वमाथि प्रकाश पारे भने साहित्यकार विश्वप्रेम अधिकारीले स्याङ्जाली लोकगीतको अध्ययनका क्रममा आफू पश्चिमाञ्चलका धेरै क्षेत्रका लोकजीवनमा प्रत्यक्ष सहभागी भएर सामग्री संकलन गरेको बताए ।

कार्यक्रममा त्रिभुवन आदर्श बहुमुखी क्याम्पसका उपप्राध्यापक प्रमोद पंज्ञानीले स्याङ्जाली लोकगीतमा अभिव्यक्त लोकजीवन, प्राध्यापक हुमाकान्त पाण्डेले बाह्रनामी (बाह्रनाथी) नाथ सम्प्रदाय र फेरी लगाउने परम्परा, प्राडा हिरण्यलाल ज्ञवालीले लोकसाहित्यका सन्दर्भमा नेपाली लोकगीत ः विगत र वर्तमान शीर्षकका कार्यपत्र प्रस्तुत गरेका थिए । कार्यपत्रमाथि क्रमशः टंकप्रसाद पन्थ, युवराज पौडेल, विष्णुप्रसाद पौडेल, भूमिराज बस्ताकोटी, सुरज पौडेल लगायतले टिप्पणी गरेका थिए ।

स्याङ्जा साहित्य प्रतिष्ठानका अध्यक्ष विश्वप्रेम अधिकारीको अध्यक्षतामा भएको कार्यक्रमको सञ्चालन त्रिभुवन बहुमुखी क्याम्पसका उपप्राध्यापक प्रमोद पंज्ञानी र स्वागत मन्तव्य स्याङ्जा साहित्य प्रतिष्ठानका उपाध्यक्ष टीकाराम बाग्लेले गरेका थिए ।

Related News

सम्बन्धित समाचार

    • कोलकातामा भानुको सम्झना

      आदर्श समाज सम्वाददाता श्रावण ७, २०७८
      पोखरा । भारतको कोलकातामा २०८ औं भानुजयन्ती मनाइएको छ । नेपाली जनकल्याण समिति, दासनगर–५, हावडा कोलकाताको आयोजनामा भर्चुअल माध्यमबाट आदिकवि…
    • शुक्ला साहित्यमा स्रष्टा छनोट समिति

      आदर्श समाज सम्वाददाता श्रावण २, २०७८
      पोखरा । शुक्ला साहित्य प्रतिष्ठान बाटुलेचौर पोखराले स्रष्टा छनोट गर्न समिति गठन गरेको छ । प्रतिष्ठानका मानार्थ सदस्य रामबहादुर बानियाको…
    • गण्डकी प्रज्ञा प्रतिष्ठानमा २०८ औं भानु जयन्ती

      आदर्श समाज सम्वाददाता असार ३०, २०७८
      पोखरा । गण्डकी प्रज्ञा प्रतिष्ठानले पहिलो कार्यक्रमका रूपमा नेपाली साहित्यका जरो मानिने आदिकवि भानुभक्त आचार्यको २०८ औं जन्मजयन्ती मनाएको छ…
    • नेपाल सांस्कृतिक संघद्वारा मुख्यमन्त्रीलाई बधाई

      आदर्श समाज सम्वाददाता असार १२, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलसमक्ष नेपाल सांस्कृतिक संघ केन्द्रीय समितिले शुक्रबार भेट गरेको छ । संघका केन्द्रीय…
    • मेनकाजी : कर्मशील, निष्ठावान, अब्बल संस्कृतिकर्मी

      रेम विक जेठ १९, २०७८
      पोखरा ।  ‘जे काम होस्, त्यो समयमै हुनुपर्छ ।’ मेनकाजी यस्तै भन्थे अनि गर्थे पनि । मेनकाजी गुरुङको पर्याय नै…

    hero news full width

    मुख्य समाचार

    Gandaki University

    sanil ads

    wordlink ads