Worldlink ads

म्यानमारको सैनिक हिंसाविरुद्ध पोखरामा प्रदर्शन

आदर्श समाज सम्वाददाता
चैत्र ८, २०७७
shanti samaj

पोखरा । मानव अधिकार तथा शान्ति समाज, कास्कीले म्यानमारमा सैनिकले मच्चाएको हिंसात्मक तथा रक्तपातपूर्ण गतिविधिको भत्र्सना गर्दै विरोध प्रदर्शन गरेको छ । प्रदर्शनमा सहभागीले सैनिक दमन तत्काल रोक, हत्या हिंसा बन्द गर, प्रजातन्त्र तुरुन्त बहाली गर , राजनीतिक बन्दीहरुको तत्काल रिहा गर जस्ता नारा लेखिएका ब्यानर तथा प्लेकार्ड बोकेका थिए ।

चिप्लेढुंगास्थित मानव अधिकार चोकमा गरिएको प्रदर्शनलाई सम्बोधन गर्दै संस्थाका गण्डकी सचिव धीरज थापाले म्यानमारमा सैनिकले हिंसात्मक एवं मानवता विरोधी गतिविधि बढाएको भन्दै त्यहाँका नागरिकको बाँच्न पाउने अधिकार सुनिश्चित हुनुपर्ने बताए ।

उनले म्यानमारका जनतालाई सैनिक शासनविरुद्ध डटेर लड्न र प्रजातन्त्र पुनर्बहाली गर्न बल मिलोस् भन्ने कामना समेत गरेका छन् ।

शान्ति समाज कास्कीका सभापति अमृत सुवर्णकारले म्यानमारमा सैनिक ‘कू’ पश्चात दिनहुँजस्तो भएको नरसंहार तत्काल रोक्न आग्रह गरे । उनले म्यानमारको हिंसा रोक्न सम्बद्ध पक्षले तत्काल कदम चाल्न जरुरी रहेको समेत बताए । कार्यक्रममा समाजका सल्लाहकार कुलबहादुर नेपाली, सहसचिव सावित्री शर्मा लगायतले मन्तव्य राखेका थिए ।

म्यानमारको हिंसात्मक गतिविधि विरुद्ध शान्ति समाजले देशैभरी प्रदर्शन गर्दै आएको छ । म्यानमारको सैनिकले फेब्रुअरी १ मा आङ सान सुकीको निर्वाचित सरकारलाई अपदस्त गरी सैनिक दमन सुरु गरेयता दिनहुँजसो दर्जनांै प्रदर्शनकारीलाई गोली हानी हत्या गरेको छ भने २ हजार बढी नागरिकलई गिरफ्तार गरिसकेको छ ।

Related News

सम्बन्धित समाचार

    hero news full width

    Jewellery

    sanil ads

    wordlink ads