पोखरा । नेपाल पशु स्वास्थ्य सेवा प्राविधिक संघ (नेल्टा) गण्डकी अध्यक्षमा सहदेव पौडेल चयन भएका छन् ।

नेल्टाको पोखरामा शनिबार सम्पन्न दोस्रो भेला तथा अधिवेशनले आगामी ४ वर्षका लागि पौडेलको अध्यक्षतामा नयाँ कार्यसमिति चयन गरेको हो ।

समितिको खुल्ला उपाध्यक्ष बलराम अधिकारी, महिला उपाध्यक्ष गोमाकुमारी श्रेष्ठ, सचिव पुरुषोत्तम कोइराला, सहसचिव मनोज पन्त, कोषाध्यक्ष सुशील बास्तोला छन् ।

समितिको सदस्यमा इन्द्रहरी खनाल, प्रदिप गौतम, खेम पौडेल, हेम भुर्तेल, लोकराज कोइराला, अर्जुन ढकाल र गणेश जिसी छन् । निर्वाचित अध्यक्ष सहदेव पौडेलले कृषि प्राविधिकलाई समेट्दै समस्या समाधानमा प्राथमिकता दिने बताए ।

निर्वाचन संयोजक नवीन सिग्देल, नेपाल पत्रकार महासंघ कास्कीकी उपाध्यक्ष विमला भण्डारी, नेल्टाका अध्यक्ष जनकबहादुर रावल, महासचिव सुरेश श्रेष्ठ लगायतले निर्वाचित कार्य समितिका पदाधिकारी एवं सदस्यहरुलाई बधाई ज्ञापन गरे । अधिवेशनको उद्घाटन कांग्रेस केन्द्रीय सदस्य गगन थापाले गरेका थिए ।