Worldlink ads

लघुवित्त संघ नेपालमा जगत पोखरेल

आदर्श समाज सम्वाददाता
चैत्र ७, २०७७
jagat pokhrel

काठमाडौं । लघुवित्त संघ नेपाल अध्यक्षमा दोस्रो कार्यकालका लागि अध्यक्षमा जगत पोखरेल निर्वाचित भएका छन् ।

काठमाडौंमा भएको संघको प्रथम साधारणसभाले उपाध्यक्षमा भगवती चौधरी र माणिकरत्न शाक्य, महासचिवमा बाबुराम विश्वकर्मा, सचिवमा अनन्तकुमार श्रेष्ठ र कोषाध्यक्षमा नरेश केसीलाई नै निर्वाचित गरेको छ । यस्तै सदस्यमा विमला उपाध्याय घिमिरे र किरण चौधरी निर्वाचित भए ।

स्थापनाका बेला ९ सदस्यीय रहेको समिति विस्तार गरी ११ सदस्यीय बनाउने र बाँकी ३ जना पछि मनोनित गर्ने निर्णय पनि साधारणसभाले गरेको छ ।
संघले प्रथम साधारणसभा तथा वार्षिकोत्सवका अवसरमा लघुवित्त क्षेत्रमा योगदान गरेका ७ लाई सम्मान गरेको छ ।

पत्रकारिताको माध्यमबाट लघुवित्त क्षेत्रमा योगदान पु¥याएको भन्दै संस्थाले पत्रकार जीवन भण्डारीलाई सम्मान गरेको हो । झण्डै २ दशकदेखि पत्रकारितामा क्रियाशिल राष्ट्रिय समाचार समिति(रासस)का उपसम्पादक भण्डारीलाई संघको स्थापना दिवसको अवसरमा शुक्रबार काठमाडाँैमा अर्थ सचिव शिशिर ढुंगानाले सम्मान गरे ।

लघुवित्त वित्तिय संस्थाको उत्कृष्ट व्यवस्थापन गरेको भन्दै निर्धन उत्थान बैंकका प्रमुख कार्यकारी अधिकृत जनार्दनदेव पन्त र फस्ट माइक्रोफाइनान्सका प्रमुख कार्यकारी अधिकृत नुमनाथ पौडेललाई उत्कृष्ट सिइओ सम्मान प्रदान गरिएको छ ।

त्यसैगरी लघुवित्त क्षेत्रमा अध्ययन अनुसन्धानको माध्यमबाट योगदान गरेकामा त्रिभुवन विश्वविद्यालयका उपप्राध्यापक भरतसिंह थापालाई पनि सम्मान गरिएको छ । संघले लघुवित्त वित्तीय संस्थामा सेवाग्राहीको रुपमा आबद्ध भइ आफ्नो आर्थिक तथा सामाजिक उत्थान गरेका ३ महिलालाई प्रोत्साहन स्वरुप सम्मान गरेको अध्यक्ष पोखरेलले जानकारी दिए ।

उनले लघुवित्त क्षेत्रको संवद्र्धन गर्न र बिक्रेता न्यूनीकरण गर्न योगदान गरेका व्यक्तिलाई संघले हरेक वर्ष प्रोत्साहन गर्ने योजना बनाएको पनि बताए । देशभर रहेका लघुवित्त वित्तीय संस्थालाई सङ्गठित गरी यस क्षेत्रका समस्याको समाधान गर्दै सेवालाई प्रभावकारी र उपयोगी बनाउने उद्देश्यले गत वर्ष संघको स्थापना भएको हो ।

अध्यक्ष पोखरेलले लघुवित्तका विकृति विसङ्गति रोक्न, नीतिगत विषयमा बल पु¥याउन र लगानीकर्ताको लगानी सुरक्षित गराउन संघको स्थापना गरिएको बताए । सरकार र राष्ट्र बैंकसँग समन्वय गरेर अघि बढ्न, व्यवस्थापन र कर्मचारीको मनोबल बढाउने काममा लाग्न पनि सस्था आवश्यक रहेको उनको भनाइ थियो ।

लघुवित्त क्षेत्रलाई प्रभावकारी बनाउन वित्तीय साक्षरता अत्यावश्यक रहेकाले घरघरमा पुगेर वित्तीय साक्षरता दिनुपर्नेमा उपाध्यक्ष चौधरीले जोड दिए । लघुवित्तले गरेको राम्रो काममा पनि राज्यलगायत सरोकारवालाको हेर्ने नजर सन्तोषजनक नरहेको महासचिव विश्वकर्माको अनुभव छ ।

माइक्रोफाइनान्स मर्ज हुने क्रम चलिरहेकाले अहिले ७८ वटा माइक्रोफाइनान्स रहेको र ४० वटा संघमा आबद्ध रहेको सचिव अनन्तकुमार श्रेष्ठले जानकारी दिए ।

Related News

सम्बन्धित समाचार

    • सुनको मुल्य बढ्यो

      रासस मंसिर १९, २०७८
      काठमाडौं । सुनचाँदी बजारमा साताको पहिलो दिन आज छापावाल सुनको मूल्य प्रतितोला रु ९२ हजार तोकिएको छ । अघिल्लो दिन…
    • आठौँ तनहुँ महोत्सव पुस २९ देखि

      रासस मंसिर १८, २०७८
      दमौली । तनहुँ उद्योग वाणिज्य सङ्घको आयोजनामा आगामी पुस २९ गतेदेखि आठौँ तनहुँ महोत्सव हुने भएको छ । कोरोनाले दुई…
    • औद्योगिक व्यवसाय नीति ल्याउँछौं : मुख्यमन्त्री पोखरेल

      आदर्श समाज सम्वाददाता मंसिर १४, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले प्रदेशको उद्योग व्यवसायलाई व्यवस्थित गर्दै आर्थिक स्तरोन्नतिका लागि औद्योगिक व्यवसाय नीति ल्याउन…
    • उद्यम विकासमा महिला सक्रिय

      आदर्श समाज सम्वाददाता मंसिर १४, २०७८
      लेखनाथ । लेखनाथ उद्योग वाणिज्य संघमा आवद्ध महिला उद्यमीको विकास एवं प्रवद्र्धनका गतिविधि तथा क्रियाकलाप अगाडि बढाउन गठित महिला उद्यमी…
    • माघ १३ देखि लेखनाथ महोत्सव हुने

      आदर्श समाज सम्वाददाता मंसिर १३, २०७८
      लेखनाथ । लेखनाथ उद्योग वाणिज्य संघको आयोजनामा विगत १८ वर्षदेखि कास्कीको लेखनाथमा हुँदै आएको लेखनाथ महोत्सवको १७ औं संस्करण आगामी…

    hero news full width

    trending post

    ट्रेन्डिङ्ग