स्याङ्जा । बिरुवा गाउँपालिकाले स्थानीय तहको पाठ्यक्रम निर्माणसम्बन्धी कार्यशाला सञ्चालन गरेको छ । कार्यशालाको संविधान सभा सदस्य टेकु नेपालीले उद्घाटन गरे । ३ दिनसम्म चल्ने कार्यशालालाई साभ नेपालले सहजीकरण गरेको छ ।
कार्यशाला उद्घाटनपछि संविधानसभा सदस्य टेकु नेपालीले स्थानीय पाठ्यक्रमले केन्द्रीय पाठ्यक्रमले पूरा गर्न नसकेका विद्यार्थीका आवश्यकता पूरा गर्न योगदान पु¥याउने विश्वास व्यक्त गरे । उनले स्थानीय पाठ्यक्रम स्थानीय आवश्यकता र चाहनासँग मिल्नुपर्नेमा जोड दिए ।
प्रदेश सांसद दीपक चर्तीमगरले लोपोन्मुख जातिका भाषा, सभ्यता र संस्कृतिलाई स्थानीय पाठ्यक्रमले उजागर गर्नुपर्ने बताए ।
गाउँपालिका अध्यक्ष चुनप्रसाद शर्माले बिरुवा गाउँपालिकाका स्थानीय पेसा, व्यवसाय, संस्कृति र जीवन पद्धति झल्किने खालको पाठ्यक्रम र पाठ्यपुस्तक विद्यार्थीका हातहातमा पु¥याउन आफूहरु लागिपरेको बताए । उनले भने, ‘स्थानीय कला, सभ्यता र सांस्कृतिक पहिचानका लागि स्थानीय पाठ्यक्रम महत्वपूर्ण हुन्छ ।’ गाउँपालिका उपाध्यक्ष देवी थापाले स्थानीय पाठ्यक्रमले स्थानीय पेसा र व्यवसायलाई सम्वद्र्धन र संरक्षण गर्न सहयोग पु¥याउने उल्लेख गरिन् ।
साभ नेपालका अध्यक्ष तुलसी प्रभासले आफूहरुले स्थानीय भाषा, कला, लोकसाहित्य र संस्कृतिको संरक्षणका क्षेत्रमा विगत १ दशकदेखि सक्रियतापूर्वक काम गरिरहेको सुनाए । उनले स्थानीय पाठ्यक्रम र पाठ्यपुस्तक निर्माणका लागि साभ नेपाललाई दिइएको जिम्मेवारीलाई गम्भीरतापूर्वक बहन गर्ने प्रतिबद्धता जनाए ।
पाठ्यक्रमविद् प्रा. ध्रुव खनालले पाठ्यक्रम निर्माणका मार्गदर्शक सिद्धान्तको फ्रेमवर्कभित्र स्थानीय विषयवस्तुलाई समेट्दै तथा स्थानीय आवश्यकता र विशेषतालाई प्राथमिकतामा राखेर स्थानीय माटोको सुगन्ध आउने पाठ्यक्रम र पाठ्यपुस्तक निर्माण गरिनुपर्ने बताए ।
गाउँपालिका अध्यक्ष चुनप्रसाद शर्माको अध्यक्षतामा भएको कार्यक्रम गाउँपालिका शिक्षा शाखा प्रमुख जीवलाल भुषालले सञ्चालन गरेका थिए । पाठ्यक्रममा समेटिनुपर्ने विषयक्षेत्रका साथै सुझावका लागि समूह बनाइ छलफल गरिने गाउँपालिकाले जनाएको छ ।
Related News
सम्बन्धित समाचार
पोखरा बहुमुखी क्याम्पसको क्यालेन्डर विमोचन
पोखरामा गणित समाजको कार्यशाला
लेकसिटी कलेजमा स्वागत र बिदाइ
राष्ट्रिय शिक्षक संगठन कास्कीमा तीर्थराज
गण्डकी बोर्डिङ व्यवस्थापन समितिमा ३ सदस्य मनोनीत
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१