कास्की २ मा उपचुनाव गराउन कांग्रेस नेता गगन थापाकाे माग

आदर्श समाज सम्वाददाता
चैत्र ६, २०७७
gagan thapa

पाेखरा । नेपाली कांग्रेसका केन्द्रीय सदस्य तथा सांसद गगनकुमार थापाले उपचुनावमा नेकपाको नामबाट निर्वाचित भएका जनप्रतिनिधिलाई जनप्रतिनिधि मान्न नसकिने बताएका छन् ।

पोखरामा नेपाल पशु स्वास्थ्य सेवा प्राविधिक संघको भेलालाई सम्बोधन गर्दै उनले नेपाल कम्युनिष्ट पार्टी (नेकपा) मरिसकेकोले त्यो पार्टीको नाममा निर्वाचित व्यक्तिलाई सांसद मान्न नसकिने बताए ।

‘नेपाल कम्युनिष्ट पार्टी सकियो । कोही एमालेमा फर्किनुभयो, कोही माओबादीमा फर्किनुभयो । कास्की २ को सांसद कुन पार्टीको हो ?,’ उनले भने, ‘त्यो निर्वाचन खारेज हुनुपर्छ । नेपाल कम्युनिष्ट पार्टीको नामबाट आएको जनप्रतिनिधिलाई जनप्रतिनिधि मान्न सकिन्न ।’

उनले ति ठाउँमा जनताले प्रतिनिधि छान्न पाउनुपर्ने बताए । ‘त्यसरी निर्वाचित भएका व्यक्ति कुन पार्टीका हुन् भनेर सोध्दा वहाँहरुले छान्न पाउनुहुन्छ भनेका छन् । त्यसो गर्न मिल्दैन । मत नेपाल कम्युनिष्ट पार्टीले पाएको हो । कस्केलीले कम्युनिष्टलाई मत दिएको हो,’ उनी भन्छन्, ‘सांसदले पार्टी छान्न पाउँदैनन् । जनप्रतिनिधि छान्ने अधिकार जनताले पाउनुपर्छ ।’
उनले नेपाल कम्युनिष्ट पार्टी (नेकपा) खारेज भएको दिन कम्युनिष्टहरु नै बढी खुशी भएको बताए । ‘अदालतको फैसला आएपछि मैले शोक व्यक्त गरें । तर नेपाल कम्युनिष्ट पार्टी मरेको दिन मलामी जाने मान्छे कोहि पनि भएनन् । म त एक्लै भएँ,’ उनले भने, ‘शोक गित बजाउलान भनेको लोक गित बजाएर कोहि लड्डु खाएका छन्, कोहि नाचेका छन् । आहा कम्युनिष्ट पार्टी म¥यो भनेका छन् ।’

उनले प्रधानमन्त्री ओली स्वेच्छाचारी भएर संसदसँग बदला लिन लागेको बताए । ‘प्रधानमन्त्री ओलीले सरकार चलाउने भए हाम्रो आपत्ति छैन । ओली प्रबृत्ति भनेको सरकार होईन, सत्ता हो । ओली प्रबृत्ति सिहं दरबारको सीमा भित्र बस्न खोजेन । फैलिएर अदालत पुग्न खोज्यो, अख्तियारमा पुग्न खोज्यो, निर्वाचन आयोगमा पुग्न खोज्यो,’ उनले थपे, ‘वहाँ के भन्ने ठान्नुहुन्छ भने, प्रधान न्यायधिसको कुर्चीमा बस्ने पनि मै हो, अख्तियार प्रमुख, निर्वाचत आयोग प्रमुख, अड्डा प्रशासन, सेना, प्रहरीको प्रमुख पनि मै हो भन्नुहुन्छ । सबैको प्रमुख मै हो भन्ने कुरा प्रजातन्त्रमा त्यो सम्भव छैन । वहाँ अहिले संसदसँग बदला लिँदै हुनुहुन्छ ।’

नेकपाले जनताबाट पाएको म्याण्डेट गुमाएकोले अव सरकारको नेतृत्व कांग्रेसले लिनुपर्ने थापाको तर्क छ ।

‘ओलीको नेतृत्वमा नेपालमा निष्पक्ष चुनाव हुँदैन । अनुदार, निरंकुश सोच भएको प्रधानमन्त्रीले निष्पक्ष चुनाव गर्दै गर्दैन,’ उनले भने, ‘निर्वाचन आयोग, अख्तियार, अड्डा अदालत कसैले पनि प्रधानमन्त्री ओलीको नेतृत्वमा निष्पक्ष भएर काम गर्न पाउँदै पाउँदैन ।

प्रमाणित भैसक्यो । अव कांग्रेसले नेतृत्व लिनुपर्छ ।’ तत्कालै केन्द्रीय समिति र संसदीय दलको बैठक बसेर कांग्रेसको नेतृत्वमा सरकार गठनको निर्णय गर्नुपर्ने उनले बताए । ‘हाम्रो अग्रसरतामा सरकार बनाउने भनेर निर्णय गर्ने ।

त्यहि निर्णय लिएर जसपा र माओबादीसँग बार्ता गर्ने,’ उनी भन्छन्, ‘जसपाले पनि अलमलाउने काम गर्ने होईन । कांग्रेसलाई समर्थन दिने भए दिने भन्नुस । केपी ओलीसँग टाँसिने भए टाँसिने भन्नुस् । माओबादी केन्द्रले पनि टुंगो लगाउनुस् ।’ देश चुनावमा होमिएको भन्दै उनले त्यसको तयारी गर्न नेता कार्यकर्तालाई आग्रह गरे ।

Related News

सम्बन्धित समाचार

    • सत्ता सहमतिमा मन्त्री नै वाधक !

      आदर्श समाज सम्वाददाता असार ६, २०७८
      पोखरा । नेपाली कांग्रेसका कृष्णचन्द्र नेपाली पोखरेलको नेतृत्वमा जेठ २९ मा बनेको सरकारले नीति तथा कार्यक्रम र बजेट ल्याइसकेको छ…
    • निगालोको चोया, जिउने सहारा

      धनबहादुर गुरुङ असार ६, २०७८
      पोखरा । छेवैमा ह्वील चियर विश्राम दिएर चेतबहादुर गुरुङ स्याँखु बुन्दैछन् । गत सातादेखि सुरु गरेको काम सक्नै आँटेका छन्…
    • विश्वासको मतपछि अब मन्त्रिमण्डल पुनर्गठन तयारी

      प्रकाश ढकाल असार ५, २०७८
      पोखरा । गण्डकीका नवनियुक्त मुख्यमन्त्री कृष्णचन्द्र नेपाली पोखरेलले विश्वासको मत पाएका छन् । उनले शुक्रबार राखेको प्रस्तावमा बहुमत सदस्यले पक्षमा मतदान…
    • मुख्यमन्त्री पोखरेलले आज विश्वासको मत लिँदै

      आदर्श समाज सम्वाददाता असार ४, २०७८
      पोखरा । गण्डकी प्रदेशका मुख्यमन्त्री  कृष्णचन्द्र नेपाली पाेखरेलले आज प्रदेश सभामा विश्वासको मत लिँदैछन् । जेठ २९ गते नेपालको संविधान…
    • भाग्दाभाग्दै सासू बुहारी च्यापिए पहिरोमा

      धनबहादुर गुरुङ असार ४, २०७८
      पोखरा । बिहानै ७ बजे घत्रक्क आवाज आयो, झ्यालबाट चिहाउँदा रुखहरु हल्लिएको जस्तो देखिन् । एकैछिनमै म्याग्दी मंगला गाउँपालिका ५…

    hero news full width

    sanil ads

    wordlink ads

    trending post

    ट्रेन्डिङ्ग