पोखरा। पोखरामा कास्की जिल्लास्तरीय सामुदायिक मावि छात्रछात्रा भलिबल प्रतियोगिता हुने भएको छ ।
कास्की जिल्ला भलिबल संघ र सिर्जना विकास केन्द्र, पोखराको संयुक्त आयोजनामा चैत ११ देखि १४ सम्म तेस्रो सृजना कप सामुदायिक मावि छात्रछात्रा भलिबल प्रतियोगिता हुन लागेको हो । आयोजकले बिहीबार पत्रकार सम्मेलन गरी सोबारे जानकारी दिएको हो ।
‘स्वास्थ्यका लागि खेलकुद, राष्ट्रका लागि खेलकुद’ नाराका साथ ३ वर्ष अघि सुरु भएको प्रतियोगिताको यो तेस्रो संस्करण हो ।
पोखरा रंगशालास्थित भलिबल ट्रेनिङ सेन्टरमा हुने प्रतियोगितामा कास्कीका सामुदायिक विद्यालयले सहभागिता जनाउन सक्ने छन् । कक्षा १२ सम्मका विद्यार्थीको टिम बनाएर सम्पर्क गर्नुपर्ने सिर्जना विकास केन्द्रका अध्यक्ष इन्द्रप्रसाद पौडेलले बताए ।
प्रतियोगितामा ५० टिमले भाग लिने आयोजकको अपेक्षा छ । चैत ९ सम्म नाम दर्ता गराउन सकिने र टिम दर्ता शुल्क ३ हजार लाग्नेछ ।
उपाधि विजेता छात्रछात्रा दुवै विधामा ७०÷७० हजार, उपविजेतालाई ३५÷३५ हजार र तृतीयलाई २०÷२० हजारसहित सिल्ड, मेडल र प्रमाणपत्र प्रदान गरिने जनाइएको छ ।
त्यस्तै, सर्वोत्कृष्ट खेलाडी छात्रछात्रालाई जनही ५ हजारसहित ट्रफी तथा उत्कृष्ट स्पाइकर, डिफेन्डर, लिफ्टर, सर्भर र प्रशिक्षकलाई १÷१ थान भलिबल प्रदान गरिने कास्की जिल्ला भलिबल संघका अध्यक्ष भीम पराजुलीले जानकारी दिए ।
प्रतियोगिता सञ्चालन गर्न १० लाख खर्च लाग्ने आयोजकको अनुमान छ । प्रतियोगिताबाट ११ लाख आम्दानी गरी १ लाख रुपैयाँ बचत गर्ने लक्ष्य राखिएको पराजुलीले बताए । बचत रकम भलिबल खेलकै विकास र बिस्तारका लागि खर्च गरिने उनले बताए ।
Related News
सम्बन्धित समाचार
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
पोखरामा पहिलो पल्ट मोटरसाइकल रेस, बाम्दीमा यसरी ओइरिए दर्शक
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१