लेखनाथ  । खास्टे तथा न्युरेनी ताल किराना खरानेफाँटमा हुने प्रथम खास्टे ताल महोत्सव–२०७७ तयारीमा तीव्र पारिएको छ ।

यही चैत १२ देखि २२ सम्म हुने महोत्सव तयारीमा स्थानीय मानिस सक्रिय रुपमा लागिपरेको महोत्सवका सहसंयोजक शिवहरि ढुंगानाले जानकारी दिए ।

खास्टे तथा न्युरेनी ताल संरक्षण समितिको आयोजना र राष्ट्रिय संगीतकर्मी संघ कास्कीको सहकार्यमा हुने महोत्सव सफल पार्न विभिन्न ३२ वटा उपसमिति गठन गरिएको छ ।

महोत्सवमा माछा तथा कृषि प्रदर्शनी, कलाकारको प्रस्तुति लगायत मनोरञ्जनात्मक कार्यक्रम हुने ताल संरक्षण समितिका अध्यक्ष तथा महोत्सवका मुल संयोजक हरिप्रसाद अधिकारीले जानकारी दिए ।