लेखनाथ । कास्कीका प्रमुख जिल्ला अधिकारी थानेश्वर गौतमले राज्य निर्माणको अभियानमा निजी क्षेत्रले खेलेको भूमिका महत्वपूर्ण भएकाले निजी क्षेत्र राज्यको अभिन्न अंग भएको बताउनु भएको छ ।

लेखनाथ उद्योग वाणिज्य संघले सोमबार राखेको स्वागत तथा परिचयात्मक कार्यक्रममा प्रजिअ गौतमले सरकारले गर्नुपर्ने काम निजी क्षेत्रबाट भएकाले कानुनको परिधिभित्र रहेर व्यापार व्यवसाय गर्नसमेत उनले आग्रह गरे ।

उनले भने,‘लगानीको वातावरण सिर्जना गर्ने काम राज्यको हो त्यसमा शान्ति सुरक्षा अपरिहार्य भएकाले ढुक्क भएर व्यवसाय गर्नोस् त्यसमा सरकारको सहयोग रहने छ ।’

लेखनाथ उद्योग वाणिज्य संघका अध्यक्ष बलराम ढकालले संघले विकास निर्माणको क्षेत्रमा खेलेको भूमिका र यस क्षेत्रमा देखिएका समस्यबारे जानकारी गराएका थिए ।

संघका पूर्व अध्यक्ष बाबुराम गिरीले विकास निर्माणमा प्रशासनको भूमिकाबारे चर्चा गरे । संघका पूर्व अध्यक्ष चतुराखर अधिकारीले निजी क्षेत्र र सरकारका बीचमा सहकार्य हुनुपर्नेमा जोड दिए ।

संघका अध्यक्ष बलराम ढकालको अध्यक्षतामा भएको कार्यक्रम सञ्चालन महासचिव गोपिचन्द्र बास्तोला र धन्यवाद ज्ञापन वरिष्ठ उपाध्यक्ष छत्रधर आत्रेयले गरेका थिए ।