पोखरा । गण्डकी प्रदेश सरकारले सुरुकै वर्षदेखि एकीकृत प्रशासनिक भवन निर्माण गर्ने योजना अघि सारेको छ । हालसम्म देखिने गरी काम सुरु भएको छैन । सामान्य रुपमा जग्गाको खोजी गरे पनि टुंगो लागेको छैन । जग्गाको खोजी नहुँदै सरकारले भवन निर्माणका लागि संघ सरकारसँग बजेट माग गरेको छ ।
सहलगानी शीर्षकको कार्यक्रमका लागि प्रशासनिक भवन बनाउने प्रस्ताव गरिएको भौतिक पूर्वाधार विकास मन्त्री रामशरण बस्नेतले बताए । उनका अनुसार हाल राष्ट्र बैंक चोक अघि रहेको जग्गामा भवन बनाउने प्रस्ताव छ । पोखरा उपत्यका नगर विकास समितिको नाममा रहेको जमिन प्रदेशको नाममा ल्याउने प्रयास भइरहेको उनले सुनाए । त्यहाँ करिब १ सय रोपनी जग्गामा भवन बनाउन लागिएको हो । त्यसैका लागि प्रदेश मन्त्रिपरिषद् बैठकबाट १ अर्ब ४८ करोड लागत अनुमान गरेर संघ सरकारसँग बजेट माग गरिएको छ ।
‘पूरा लागतको ७० प्रतिशत मागेका छौं । टुंगिएको छैन । दिने कति भन्ने पनि थाहा छैन,’ मन्त्रालयका सचिव रामचन्द्र श्रेष्ठले भने, ‘माथिबाट प्रस्ताव मागे, पठाएका छौं । आवश्यक अध्ययन गरेर बजेट विनियोजन होला ।’ सामान्य डिजाइन भइसकेको र डिपिआर तयार गर्न बाँकी रहेको उनले सुनाए । ‘कतिपय मन्त्रालय र कार्यालयहरु भाडामा छ । एकै ठाउँमा भयो भने सेवा एकै ठाउँबाट दिन सकिन्छ,’ उनले भने, ‘प्रशासनिक भवन अनिवार्य छ ।’
योसँगै सडक र अस्पतालका योजनामा पनि बजेट मागिएको छ । शालिग्राम कोरिडोरका लागि १ अर्व, लमजुङ, स्याङजा र तनहुँको अस्पताल सुदृढीकरण कार्यक्रममा १ अर्ब ३० करोड, सडक पुल निर्माण आयोजनाका लागि १ अर्ब ३१ करोड ९८ लाख माग गरिएको छ ।
यसबाहेक अरु सडकहरु पनि प्रस्ताव भएको छ । प्रदेशले कम्तीमा १ अर्ब भन्दा बढी बजेट लाग्ने आयोजनामा संघ सरकारसँग सह लगानी जुटाउन सक्छ । योजना र आवश्यकता हेरेर संघले कति प्रतिशत बजेट दिने भन्ने टुंगो लाग्छ । धेरै योजनाहरु अहिले पनि जग्गा प्राप्तिमै पुगेर अड्किएको छ । ‘जग्गा प्राप्ति भएको छैन । प्रदेश र संघको आँखा फरक प¥यो । हामीले हेर्ने र माथिबाट हेर्ने दृष्टिकोण एउटै छैन,’ प्रदेश नीति तथा योजना आयोगका सदस्य डा. विष्णुराज बरालले भने, ‘जग्गाकै कारण योजनाहरु रोकिएका छन् । बजेट कार्यान्वयन भएको छैन । काठमाडौंले हेर्ने दृष्टिकोण फेरिनु पर्छ ।’ जग्गा प्राप्ति समयमा नहुँदा प्रदेश गौरवका आयोजना प्रदेशस्तरीय औद्योगिक क्षेत्र स्थापना गर्ने योजना पनि रोकिएको छ । सहलगानीका लागि प्रस्तावित योजना यसै वर्ष कार्यान्वयन हुने सरकारले जनाएको छ ।
पोखराको राष्ट्र बैंक चोक नजिकै रहेको सय रोपनी जग्गामा प्रदेशको प्रशासनिक भवन बनाउन प्रस्ताव
मन्त्रीपरिषद् बैठकले विभिन्न निर्देशिका स्वीकृत गरेको छ भने विधेयक पनि प्रदेशसभामा पेस गर्ने निर्णय भएको छ । लैंगिक समानता तथा सामाजिक समावेशिकरण निर्देशिका र सामाजिक उत्तरदायित्व प्रबद्र्धन निर्देशिका क्याविनेटबाट पारित भएको हो । यस्तै, आम सञ्चार विधेयक प्रदेशसभामा पेस गर्ने निर्णय भएको छ भने जनस्वास्थ्य सेवा विधेयक तर्जुमाका लागि सैद्धान्तिक स्वीकृति दिइएको सरकारका प्रवक्ता रामशरण बस्नेतले जानकारी दिए ।
खेलकुद परिषदमा गुरुङ
प्रदेश संरचना गठन भएपछि पहिलो पटक बनेको खेलकुद विकास परिषद्को सदस्य सचिव नियुक्त नियुक्त भएका छन् । पोखराका तेजबहादुर गुरुङलाई सदस्य सचिव नियुक्त गरिएको हो । सामाजिक विकास मन्त्रालयले योग्यता तोकेर आवेदन मागेको थियो । गुरुङ र कास्कीकै नवराज अधिकारीको आवेदन प¥यो । छनोट समितिले काम र योग्यताको मूल्यांकन गरेर गुरुङलाई सदस्य सचिव नियुक्त गर्न मन्त्रीपरिषद्लाई सिफारिस गरेको थियो । नव नियुक्त सदस्य सचिव गुरुङले प्रदेशभित्रको खेल क्षेत्रको विकासका लागि आफ्नो पहलकदमी रहने प्रतिबद्धता जनाए ।
पोखरा महानगरपालिका–१६ अर्मला स्थायी घर भएका गुरुङलाई प्रदेश मन्त्रिपरिषद्को बैठकले सदस्य सचिवमा नियुक्तिको निर्णय गरेको सरकारका प्रवक्ता एवं भौतिक पूर्वाधार विकासमन्त्री रामशरण बस्नेतले जानकारी दिए ।
सदस्य सचिवको कार्यकाल ४ वर्षको हुनेछ । सरकारले सदस्य सचिव छनोटका लागि खुला दर्खास्त आह्वान गरेको थियो । सामाजिक विकासमन्त्री नरदेवी पुनमगरको संयोजकत्वमा गठित तीन सदस्यीय सिफारिस समितिले सदस्य सचिव नियुक्तिका लागि गुरुङको नाम मन्त्रिपरिषदमा पेश गरेको थियो । सिफारिस समितिमा सामाजिक विकास मन्त्रालयका सचिव विनोदबहादुर कुँवर र खेल विज्ञ दिलबहादुर गुरुङ सदस्य थिए ।
सदस्य सचिवका लागि स्नातक उत्तीर्ण तथा ३० वर्ष उमेर पूरा भई ६० वर्ष नकटेको खेलकुद ऐनमा व्यवस्था गरिएको छ । सदस्य सचिवमा नियक्त गुरुङ नेपाल ओलम्पिक कमिटीको उपाध्यक्ष, नेपाल ह्यान्डबल संघ र भूतपूर्व खेलाडी मञ्च नेपालको अध्यक्ष हुन् ।
बास्केटबलबाट खेल जीवन थालेका गुरुङले विसं २०३९ बाट ह्यान्डबल खेललाई मुख्य खेलका रुपमा लिँदै अघि बढेका थिए । उनले सन् १९८५ देखि १९८८ सम्म नेपाल ह्यान्डबल टिमको कप्तानी गरेका थिए । प्रदेश सरकारले खेलकूुदको विकास तथा नियमनका लागि असोज दोस्रो साता प्रदेश खेलकुद विधेयक प्रदेशसभाबाट पारित गरेको थियो ।
Related News
सम्बन्धित समाचार
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
सहारा एकेडेमीमा यु–१४ फुटबल प्रशिक्षण
गण्डकीमा डायलाइसिसका लागि अब पालो कुर्न नपर्ने
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१