विपद् उद्धारकर्मीको क्षमता अभिवृद्धि तालिम

आदर्श समाज सम्वाददाता
चैत्र २, २०७७
bipad udhar training

तालिमको उद्घाटन समारोहमा आन्तरिक मामिला तथा कानुनमन्त्री हरिबहादुर चुमान लगायत । तस्बिरः श्रीभद्र पौडेल/आदर्श समाज

हेमजा । गण्डकी प्रदेशमा विपद् उद्घारकर्मीको क्षमता अभिवृद्धिका लागि तालिम सुरु भएको छ । नेपाली सेनाको पश्चिम पृतना हेडक्वाटर विजयपुरमा आन्तरिक मामिला तथा कानुन मन्त्रालयले तालिम सुरु गरेको हो ।

तालिम उद्घाटनपछि आन्तरिक मामिला तथा कानुनमन्त्री हरिबहादुर चुमानले विपद्बाट क्षति कम गर्नुपर्नेमा जोड दिँदै विपद्पछिको व्यवस्थापनमा पनि ध्यान दिनुपर्ने बताए । उनले गण्डकीमा विशेष गरी आगलागी, सडक दुर्घटना, हिमआँधी, ताल तथा खोचमा पर्ने समस्या रहेको उल्लेख गर्दै त्यस्ता दुर्घटनाप्रति आम नागरिक सचेत बन्नुपर्नेमा जोड दिए । मन्त्री चुमानले विपद्पछिको खोज तथा उद्घारलाई अझै प्रभावकारी बनाउन आवश्यक रहेको चर्चा गरे । तालिम विभिन्न क्षमताको केन्द्रीकरण भएको भन्दै मन्त्री चुमानले त्यसलाई सफल पार्नुपर्ने भनाइ राखे ।

मन्त्रालयका सचिव केदारनाथ शर्माले तालिममा सक्रिय सहभागिता जनाउन आग्रह गरे । आवश्यक परेको खण्डमा सहभागलिाई कुनै जिल्ला वा भूगोलमा तालिम सञ्चालन गर्नुपरेमा विज्ञका रुपमा परिचालन गरिने उनले स्पष्ट पारे ।
पृतनापति उपरथी विनय विक्रम राणाले उद्घारकर्मीको क्षमता विकासमा तालिम सहयोगी बन्ने विश्वास व्यक्त गरे ।

मन्त्रालयका उपसचिव काशीराम गैरेले उद्घारकर्मीको क्षमता अभिवृद्घि गरी विपद्को उचित व्यवस्थापनबाट गण्डकी प्रदेशलाई विपद् उत्थानशील प्रदेशको रुपमा विकास गर्ने मन्त्रालयको सोच रहेको बताए । सूचना अधिकारी खुबीराम पोखरेलले तालिमबाट सबै प्रकारका विपद्को घटनामा प्रभावकारी प्रतिकार्य गरी क्षतिमा कमी ल्याउने उद्देश्य राखिएको स्पष्ट पारे ।

उक्त तालिममा नेपाली सेना, नेपाल प्रहरी, सशस्त्र प्रहरी, स्वास्थ्य निर्देशनालय, नेपाल रेडक्रस सोसाइटी, नेपाल नागरिक उड्डयन प्राधिकरण र राष्ट्रिय अनुसन्धान अन्तर्गण्त प्रदेश कार्यालयका प्रतिनिधि सहभागी छन् ।

तालिम अन्तर्गत विपद् व्यवस्थापन पूर्व तयारी तथा जोखिम न्यूनीकरण सम्बन्धमा डा.कृष्णप्रसाद पौडेल, महामारी जोखिम न्यूनीकरण सम्बन्धमा डा. विनोदविन्दु शर्मा, हवाइ सुरक्षा र जोखिम न्यूनीकरणबारे विक्रम गौतम, भुकम्पीय जोखिम न्यूनीकरणबारे डा. सोमप्रसाद सापकोटा र बाढी तथा पहिरो जोखिम न्यूनीकरण सम्बन्धमा डा. रञ्जनकुमार दाहालले सहजीकरण गर्दैछन् ।

तालिमसँगै यही चैत्र ४ गते पोखरा विमानस्थलमा हवाईजहाज आपतकालीन उद्घारको अभ्यास पनि गर्ने तयारी भइरहेको छ । जसका लागि १ सय सुरक्षाकर्मी परिचालन गरिनेछ । मन्त्रालयले सो आपतकालीन उद्घारलाई भविष्यमा सञ्चालन हुने पोखरा अन्तराष्ट्रिय विमानस्थलको सहयोगीका रुपमा हेरेको छ ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width