लोकदोहोरीमा बागलुङ प्रथम

Avatar आदर्श समाज सम्वाददाता
चैत्र १, २०७७
lok dohori

पोखरा। राष्ट्रिय लोक तथा दोहोरी गीत प्रतिष्ठान नेपाल गण्डकीले आयोजना गरेको लोकदोहोरी गीत प्रतियोगितामा बागलुङ विजयी भएको छ । फाइनलमा स्याङ्जाको टिमलाई पराजित गर्दै बागलुङ विजयी भएको हो ।

सुमन खड्का र शर्मिला विसी सम्मिलित बागलुङको टिम विजयी हुँदै १ लाख ११ हजार रुपैयाँ पुरस्कार प्राप्त ग¥यो भने प्रकाश पराजुली र सपना रोका सम्मिलित स्याङ्जा टिमले ७७ हजार ७ सय रुपैयाँ नगद पुरस्कार प्राप्त गरेको छ ।

प्रतियोगितामा राष्ट्रिय लोक तथा दोहोरी गीत प्रतिष्ठान, लमजुङको टिम तेस्रो हुँदै ३३ हजार ३ सय रुपैयाँ पुरस्कार प्राप्त गरेको छ । लमजुङतर्फबाट प्रशान्त तामाङ र प्रिती गिरीको टिम प्रतिस्पर्धामा उत्रिएका थिए । सान्त्वना तनहुँले ११ हजार १ सय रुपैयाँ पायो ।

यस्तै, उत्कृष्ट गायक–गायिकाको पुरस्कार गोरखाका चित्र गुरुङ र देवी आलेले हात पारे । अनुशासित गायकमा उमेश अधिकारी र हिरण थापामगरलाई पुरस्कृत गरियो । हाउभाउ सहितको मौलिक प्रस्तुतिमा सीमा शाही र हिरा किसान अब्बल ठहरिए ।

प्रतिष्ठान नेपालको स्थापना दिवस अवसर पारेर आयोजित प्रतियोगितामा गण्डकीका मनाङ र मुस्ताङ बाहेक ९ जिल्लाको प्रतिनिधित्वि थियो ।

निर्णायकमा प्रतिष्ठानका पूर्व अध्यक्ष प्रजापति पराजुली, प्रतिष्ठान अध्यक्ष रमेश विजी, पूर्व अध्यक्ष पुरुषोत्तम न्यौपाने र शान्ति गुरुङ थिए ।

यसअघि जिल्लास्तरमा छनोट भई आएका टिमबीच प्रतिष्पर्धा गराइएको प्राविधिक निर्णायक संयोजक तथा प्रतिष्ठान नेपालका केन्द्रीय सचिव जीवन दाहालले जानकारी दिए ।
प्रतियोगिता उद्घाटन गर्दै प्रदेशका आर्थिक मामिला तथा योजना मन्त्री किरण गुरुङले गण्डकी प्रदेश लोकगीतसंगीतको उर्वरभूमि भएकाले यसको संरक्षणमा प्रतिष्ठानसँगै हातेमालो गरेर अगाडि बढ्ने प्रतिबद्धता व्यक्त गरे ।

लोकदोहोरी क्षेत्रमा क्रियाशील अम्मर धिताल र रेवती पौडेल तथा पोखरा प्रज्ञा प्रतिष्ठानका कुलपति पदमराज ढकाल, भूमि सम्बन्धी आयोग कास्कीका संयोजक दामोदर वैरागी, कल्याणकारी कोषमा सहयोग गर्ने पूर्व सल्लाहकार भीम भट्टटाईलाई सम्मान गरिएको प्रतिष्ठान गण्डकी अध्यक्ष सुरेन्द्र गुरुङले जानकारी दिए ।
कार्यक्रममा गायक रामजी खाँडले प्रस्तुति राखेका थिए भने वरिष्ठ उपाध्यक्ष पूर्ण परियार र सचिव राजन कार्कीले पनि बोलेका थिए ।

Related News

सम्बन्धित समाचार

    • अब बाँच्छ सिक्लेसी ठाडो भाका

      धनबहादुर गुरुङ धनबहादुर गुरुङ चैत्र १९, २०७७
      पोखरा । पर्यटकीय गाउँ सिक्लेसकी नौमाया गुरुङ सानैदेखि गाउन सिपालु थिइन् । सिक्लेसमा घाटु, सोरठी, कृष्ण चरित्र, कस्केली ठाडोभाका लगायत…
    • पर्वतका अरुण बने सप्तरंगी प्रतिभा

      Avatar आदर्श समाज सम्वाददाता चैत्र १४, २०७७
      पोखरा । सप्तरंगी सांस्कृतिक प्रतिष्ठानको सप्तरंगी प्रतिभाको खोजी–२०७७ सम्पन्न भएको छ । प्रतिभाको खोजी एकल खुला गायनतर्फ पर्वतका अरुण सुनार भए…
    • प्रवीण गुरुङको स्मृतिमा जन्मभूमिमा साताव्यापी कार्यक्रम

      Avatar आदर्श समाज सम्वाददाता चैत्र ५, २०७७
      हेमजा । अन्नपूर्ण गाउँपालिकाले लोक गायक  प्रवीण गुरुङको स्मृतिमा उनको जन्म गाउँ अन्नपूर्ण ६ लुम्लेमा साताव्यापी कार्यक्रम गर्ने भएको छ…
    • सुनिल गायकको ‘कहिले भइन’ सार्वजनिक

      Avatar आदर्श समाज सम्वाददाता चैत्र ५, २०७७
      पोखरा । सुनिल गायकको ‘कहिले भइन’ म्युजिक भिडियो सार्वजनिक भएको छ । सारङ्गी म्युजिक स्टुडियोको प्रस्तुति र सुनिलकै शब्द संगीतमा…
    • लकडाउनपछि कलाकारको व्यस्तता बढ्दै

      rss रासस चैत्र २, २०७७
      बागलुङ । अहिलेका उम्दा गायक प्रकाश सपुत गत महिनाभर व्यस्त रहनुभयो । फागुनको साङ्गीतिक यात्रालाई शनिबार अछाम महोत्सवमा बिट मार्नुभयो…

    hero news full width

    sanil ads

    wordlink ads