लमजुङमा युनाइटेड क्लबको निशुल्क शिविर

Avatar आदर्श समाज सम्वाददाता
चैत्र १, २०७७
united club health camp news (2)

पोखरा । युनाइटेड क्लब पोखराले लमजुङको बेंसीसहर ४ पुरानोकोट गाउँमा निशुल्क स्वास्थ्य शिविर सञ्चालन गरेको छ । स्थापनाकालदेखि पोखराको अमरसिंह चौरमा पोखरा महोत्सव आयोजना गरी शिक्षा, स्वास्थ्य, खेलकुद, पर्यटन प्रवद्र्धनका लागि नयाँ गन्तव्य चिडियाखाना निर्माण, सेती नदी संरक्षण र दैवीप्रकोपमा परेकालाई सहयोग गर्दै आएको क्लबले शिविर सञ्चालन गरेको हो ।

पोखराको रानीपौवामा रहेको मेडिप्लस हस्पिटल एन्ड ट्रमा सेन्टर, नरहरि पोलिक्लिनिक र पोखरा होराइजन डेन्टल क्लिनिकको प्राविधिक सहयोग र एरो फर्मास्टिकल र एपेक्स फर्मास्टिकलको सहयोगमा शिविर सञ्चालन गरिएको क्लबले जनाएको छ । शिविरमा ५ सय १५ जनाले स्वास्थ्य जाँच गराएका थिए । तीमध्य १ सय ४० जनाको भिडियो एक्सरे, ७० जनाको इसिजी र ५३ जनाको पिसाब तथा रगत परीक्षण गराएका थिए भने २ सयभन्दा बढीलाई औषधी वितरण गरिएको थियो ।

युनाइटेड क्लबका अध्यक्ष राजु श्रेष्ठको अध्यक्षतामा भएको शिविरमा बेंसीसहर नगरपालिका ४ का अध्यक्ष लालवीर गुरुङ, पुरानोकोट सामुदायिक होमस्टेका अध्यक्ष कन्याकाशी गुरुङ, बेेंसीसहर नगरपालिका वडा नम्बर ५ का अध्यक्ष बलबहादुर गुरुङ, युनाइटेड क्लबका संस्थापक अध्यक्ष हिमालय बख्रेल, सूर्योदय तमु युवा क्लबका अध्यक्ष खुमराज गुरुङ लगायतले बोलेका थिए । क्लबका महासचिव शान्तबहादुर थापाले सञ्चालन गरेको कार्यक्रममा स्वास्थ्य उपसमिति संयोजक तथा कार्यक्रम संयोजक युनाइटेड क्लबका कार्यसमिति सदस्य जयराम आचार्यले स्वागत गरेका थिए ।

Related News

सम्बन्धित समाचार

    hero news full width

    sanil ads

    wordlink ads