मिथिला शर्मा पोखरामा सम्मानित

Avatar आदर्श समाज सम्वाददाता
फागुन २७, २०७७
mithilaa

पोखरा । संगीत प्रशिक्षण केन्द्र पोखराद्वारा सञ्चालित ‘लालबहादुर चण्डेश्वरी ढेवाजू स्मृति संगीत पुरस्कार–२०७६’ बाट अभिनेत्री मिथिला शर्मा सम्मानित भएकी छन् । नेपाली नृत्य क्षेत्रमा महत्वपूर्ण योगदान पु¥याएकोमा पोखरामा बिहीबार उनलाई १ लाख रुपैयाँ सहित सम्मानपत्र प्रदान गरियो ।

सो अवसरमा गण्डकी प्रदेश सरकारका आर्थिक मामिला तथा योजना मन्त्री किरण गुरुङ, नेपाल संगीत तथा नाट्य प्रज्ञा प्रतिष्ठानका पूर्व कुलपति सरुभक्त, कवि तथा संस्कृतिकर्मी तीर्थ श्रेष्ठ, प्राज्ञ हरिदेवी कोइराला, पोखरा प्रज्ञा प्रतिष्ठानका कुलपति पद्मराज ढकाल, केन्द्रका महासचिव एमडी काफ्ले लगायतले बोलेका थिए ।

सम्मानित अभिनेत्री शर्माले सिक्ने र सिकाउने क्रमको यात्राबाट आफू कहिल्यै पछि नहट्ने बताइन् । सम्मानको सत्प्रतिशत सम्मान राख्दै यस क्षेत्रमा अगाडि बढ्ने उनको प्रतिबद्धता थियो ।

प्रत्येक २ वर्षमा प्रदान गरिने सो पुरस्कारबाट यसअघि अम्मर गुरुङ, दीप श्रेष्ठ, रन्जित गजमेर, सरोजगोपाल बज्राचार्य, कल्याण शेरचन, बाबा राणा, अमृत गुरुङ, रामभक्त जोजिजु, धनबहादुर गायक र श्यामलाल श्रेष्ठ सम्मानित भैसकेका छन् ।

केन्द्रका संस्थापक अध्यक्ष स्व. लालबहादुर ढेवाजूको स्मृतिमा धर्मपत्नी चण्डेश्वरी ढेवाजूले २०५५ सालमा अक्षयकोष खडा गरी लालबहादुर ढेवाजू स्मृति संगीत पुरस्कार सञ्चालन गर्ने जिम्मेवारी केन्द्रलाई प्रदान गरेकी हुन् ।

अक्षयकोष दाता चण्डेश्वरीको निधनपछि २०६९ सालमा छोरीहरुले आफ्ना मातापिताको नामबाट पुरस्कार वितरण गर्दै आउनुभएको संगीत प्रशिक्षण केन्द्र पोखराका अध्यक्ष गौतम विजुक्छेले जानकारी दिए ।

Related News

सम्बन्धित समाचार

    • अब बाँच्छ सिक्लेसी ठाडो भाका

      धनबहादुर गुरुङ धनबहादुर गुरुङ चैत्र १९, २०७७
      पोखरा । पर्यटकीय गाउँ सिक्लेसकी नौमाया गुरुङ सानैदेखि गाउन सिपालु थिइन् । सिक्लेसमा घाटु, सोरठी, कृष्ण चरित्र, कस्केली ठाडोभाका लगायत…
    • पर्वतका अरुण बने सप्तरंगी प्रतिभा

      Avatar आदर्श समाज सम्वाददाता चैत्र १४, २०७७
      पोखरा । सप्तरंगी सांस्कृतिक प्रतिष्ठानको सप्तरंगी प्रतिभाको खोजी–२०७७ सम्पन्न भएको छ । प्रतिभाको खोजी एकल खुला गायनतर्फ पर्वतका अरुण सुनार भए…
    • प्रवीण गुरुङको स्मृतिमा जन्मभूमिमा साताव्यापी कार्यक्रम

      Avatar आदर्श समाज सम्वाददाता चैत्र ५, २०७७
      हेमजा । अन्नपूर्ण गाउँपालिकाले लोक गायक  प्रवीण गुरुङको स्मृतिमा उनको जन्म गाउँ अन्नपूर्ण ६ लुम्लेमा साताव्यापी कार्यक्रम गर्ने भएको छ…
    • सुनिल गायकको ‘कहिले भइन’ सार्वजनिक

      Avatar आदर्श समाज सम्वाददाता चैत्र ५, २०७७
      पोखरा । सुनिल गायकको ‘कहिले भइन’ म्युजिक भिडियो सार्वजनिक भएको छ । सारङ्गी म्युजिक स्टुडियोको प्रस्तुति र सुनिलकै शब्द संगीतमा…
    • लकडाउनपछि कलाकारको व्यस्तता बढ्दै

      rss रासस चैत्र २, २०७७
      बागलुङ । अहिलेका उम्दा गायक प्रकाश सपुत गत महिनाभर व्यस्त रहनुभयो । फागुनको साङ्गीतिक यात्रालाई शनिबार अछाम महोत्सवमा बिट मार्नुभयो…

    hero news full width

    sanil ads

    wordlink ads

    Recent Posts

    भर्खरै