पोखरा । तत्कालीन जलस्रोत तथा सिँचाइ विकास डिभिजन कार्यालय, कास्कीको मातहतमा रहेको पोखरा जल उपयोग (सेती नगर) सिँचाइ प्रणालीको डिसिल्टिङ बेसिन तथा साइट अफिस निर्माण गर्न भनी पोखराको लामाचौरमा ३० वर्षअघि जग्गा अधिग्रहण गरियो । तत्कालीन लामाचौर ९ (हाल पोखरा–१६) गारतारोमा ५१ जनाको नाममा रहेको करिब १ सय ३५ रोपनी जग्गा मुआब्जाको आश्वासनमा कब्जा भयो ।
त्यो समय थियो, २०४७ साल । अहिले ३० वर्ष बितिसकेको छ । तर स्थानीयले अहिलेसम्म मुआब्जा पाएका छैनन् । आफ्नो हकभोगको जग्गा अधिग्रहण गरिएपछि मुआब्जा माग गर्दै उनीहरु अदालतको ढोकासम्म चहारे । तत्कालीन पुनरावेदन हुँदै सर्वोच्चसम्म पुगेको उक्त मुद्दामा अदालतले उनीहरुकै पक्षमा फैसला समेत ग¥यो । तर फैसलाको कार्यान्वयन हुन नसकेकोपछि उनीहरुले २ वर्षअघि संघर्ष समिति नै गठन गरी निरन्तर आन्दोलन गरिरहेका छन् ।
यसैक्रममा गारतारो कसेरी संघर्ष समिति, पोखरा–१६ ले मंगलबार पोखराको भद्रकालीस्थित जलस्रोत तथा सिँचाइ विकास डिभिजन कार्यालय कास्कीमा धर्ना दिएका छन् ।
‘सर्वोच्चको फैसला कार्यान्वयन गर’, ‘जग्गाधनीलाई न्याय दे’, ‘कब्जा गरिएको जग्गा फिर्ता गर’ लगायत नाराअंकित प्लेकाड बोकेका उनीहरुले १ घण्टा धर्ना दिएर कार्यालयमा ज्ञापनपत्र बुझाएका छन् ।
संघर्ष समितिका एक सदस्य धर्मराज थापाका अनुसार संघर्ष समितिले आगामी चैत १७ सम्म माग पूरा गर्न अल्टिमेटम दिएको छ । यदि माग पूरा नभए चैत १८ देखि जग्गा फुकुवा नभएसम्म प्रत्येक बुधबार सेती नहरको पानी बन्द गर्ने, आगामी वैशाख १५ देखि बिहीबारदेखि पूरै सेती नहर सिँचाइ ठप्प पार्ने चेतावनी दिइएको छ ।
Related News
सम्बन्धित समाचार
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
हेमराज पहारी स्मृति पुरस्कारबाट सरुभक्त पुरस्कृत
hero news full width
मुख्य समाचार
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१