पोखरा । अन्तर्राष्ट्रिय नारी दिवसको अवसर पारेर गोरखाको घ्याम्पेसालमा निशुल्क स्वास्थ्य शिविर भएको छ । जाल्पा सामुदायिक लघुवित्त वित्तीय संस्था, सामुदायिक सेवा केन्द्र एंव सामुदायिक प्रहरी सेवा पृथ्वीचोक पोखरा, सामुदायिक सेवा केन्द्र गोरखा, दुर्गम स्वास्थ्य सेवा केन्द्र कास्की, लायन्स क्लब अफ गोरखा र भीमसेन थापा गाँउपालिका गोरखाको आयोजनामा सोमबार शिविर भएको हो ।

स्वास्थ्य शिविरमा उक्त क्षेत्रबाट जाल्पा सामुदायिक लघुवित्त वित्तीय संस्थामा आवद्ध भएका तथा नभएका ४ सय ६० जनाको स्वास्थ्य जाँच गरिएको छ । शिविरमा स्त्री रोग, आँखा जाँच, बालरोग, जनरल फिजिसियन, हाड जोर्नी सम्बन्धी विशेषज्ञ डाक्टरहरुबाट सेवा प्रदान गरिएको छ ।

शिविरका लागि विशेषज्ञ सहितको डाक्टर तथा प्राविधीक टोली पोखराबाट गएका थिए । शिविरमा इसिजी र सुगर रोगको पनि निशुल्क परिक्षण गराइएको थियो । ग्रामीण पहाडी क्षेत्रमा बसोबास गर्नेहरुलाई स्वास्थ्य सेवा पु¥याउने उद्देश्यले आयोजना गरिएको शिविरमा करीब १ लाख ५० हजार भन्दा बढीको निश्ुल्क औषधीसमेत वितरण गरिएको थियो ।

भीमसेन थापा गाउँपालिका अध्यक्ष ईश्वर पाण्डेको प्रमुख आतिथ्यतामा तथा सामुदायिक सेवा केन्द्र एंव सामुदायिक प्रहरी सेवा पृथ्वीचोक पोखराका अध्यक्ष विपीन अधिकारीको अध्यक्षतामा कार्यक्रम भएको थियो ।