वालिङ महिलाले सामूहिक काम गरेर मनाए नारी दिवस

Avatar आदर्श समाज सम्वाददाता
फागुन २४, २०७७
joint_farming_women_waling-2

वालिङ । वालिङका महिला आफैले उत्पादन गरेको फसल भित्र्याएर अन्तर्राष्ट्रिय महिला दिवस मनाएका छन् । वालिङ ८ को समाजसुधार बहुउदेश्यीय आमा समूहका सदस्यले सामूहिक रुपमा उत्पादन गरेको आलु भिœयाएर दिवस मनाएका हुन् । वालिङको मुख्य बजारका ७० जना महिलाहरुको सक्रियतामा स्थापना भएको समूहले सामूहिक खेती अन्तर्गत आलु खेती गरेको समूहका अध्यक्ष प्रेमकुमारी रेग्मीले बताइन् ।


दियालो संस्थाले उपलव्ध गराएको आलुको बिउलाई सामूहिक रुपमा लगाइएको र उत्पादन पनि राम्रो भएको संस्थाका सचिव इन्दिरा गैह्रेले बताइन् । वालिङ उद्योग वाणिज्य संघ महिला उद्यमी समूहकी अध्यक्षसमेत रहेकी कविता भुसालले भनिन्, ‘सामूहिक रुपमा खेती गर्दा निक्कै आनन्द आएको छ । अब हामी यसलाई निरन्तरता दिन्छौं ।’

उत्पादन भएको आलु सदस्यहरुलाई नै बिक्री गरीने र समूहको कोष बृद्धि गरिने अध्यक्ष रेग्मीले स्पष्ट पारिन् । उनले थपिन्, ‘आगामी दिनमा सामूहिक खेतीको लागि अरुको भर पर्नु नपर्ने अवस्थामा पुग्न हामीहरु लागि परेका छौंं ।’

वालिङ नगरपालिका र संयुक्त राष्ट्रसंघीय विकास कार्यक्रम (युएनडिपी) को आर्थिक सहयोग तथा दियालो संस्थाको व्यवस्थापनमा वालिङमा सञ्चालित ‘कोभिड १९ उद्धार र सामाजिक आर्थिक प्रतिकार्य परियोजना’ अन्तर्गत उक्त समूहले ५ रोपनी जग्गा भाडामा लिएर आलु खेती गरेको हो ।

Related News

सम्बन्धित समाचार

    hero news full width

    sanil ads

    wordlink ads