विश्व हिन्दू महासंघको प्रशिक्षण

आदर्श समाज सम्वाददाता
फागुन २४, २०७७
hindu

पोखरा । १११ औं अन्तर्राष्ट्रिय नारी दिवस अवसरमा विश्व हिन्दू महासंघ नेपाल पोखरा महानगर कमिटीको आयोजनामा हिन्दू संस्कृति र सनातन धर्ममा नारीको महत्व विषयक प्रशिक्षण कार्यक्रम भएको छ ।

प्रमुख प्रशिक्षक ब्रह्माकुमारी सुधाले प्रशिक्षण दिँदै वैदिक सनातन धर्मका शास्त्रहरुमा उल्लेख भए बमोजिम नारीलाई उच्च स्थानमा राखिएको बताइन् । पछिल्लो समय शास्त्रलाई बेवास्ता गरी पश्चिमाहरुको सिको गर्नाले धेरै नोक्सान हुन गएको उनको ठहर छ ।

विश्व हिन्दू महासंघ नेपालका वरिष्ठ उपाध्यक्ष शंकर खरालले जुन घरमा नारीको सम्मान सत्कार हुन्छ, त्यस घरमा देवी देवताको वास हुने बताए । उनले हरेक पुरुषले दृष्टि र सोचमा सकारात्मक लिएमात्रै कुनै पनि नारी अन्यायमा नपर्ने बताए ।

महासंघ कास्की अध्यक्ष पार्वता पौडेलले परापूर्वकालमा नारीको अधिकतम् सम्मान रहेको र बीचमा समाज बाहिरी संस्कृतिको सिको गर्दा आहार, विहार, विचार सबै देखासिकी हुन गइ नारीको सम्मान हुन नसकेको धारणा राखिन् ।

महासंघ पोखरा महानगर महिला कमिटी अध्यक्ष दुर्गादेवी बास्तोलाको अध्यक्षतामा भएको कार्यक्रममा दैविक शक्ति खोज तथा उपचार केन्द्रका अध्यक्ष सफल थापा, सांस्कृतिक समूह संयोजक उषा माता, संघका महानगर कमिटी महासचिव शिव कोइराला लगायतले बोलेका थिए ।

कार्यक्रम सञ्चालन महानगर महिला समिति महासचिव सपना गिरीले गरेकी थिइन् ।

सो अवसरमा दैविक शक्ति खोज तथा उपचार केन्द्रले भजन प्रस्तुत गरेको थियो ।

Related News

सम्बन्धित समाचार

  • खुदीखोलाका मगरहरुले मनाए माघी

    आदर्श समाज सम्वाददाता माघ २, २०८१
    पोखरा । आराधना मगर समाज पोखरा–३२, खुदीखोलाका मगरवासीले माघी संक्रान्ति पर्व मनाएका छन् । नेपाल मगर संघ आराधना मगर समाजको आयोजनामा…
  • ‘भक्ति संगीतको सम्बद्र्धन जरुरी’

    आदर्श समाज सम्वाददाता पौष ३, २०८१
    पोखरा । भक्ति संगीतको इतिहास धेरै पुरानो रहेको र वर्तमानमा यसको सम्बद्र्धन गर्न जरुरी रहेको एक कार्यक्रमका वक्ताले जोड दिएका…
  • शिवालय मन्दिर उद्घाटन

    आदर्श समाज सम्वाददाता मंसिर २३, २०८१
    पोखरा । पोखरा–१५, ढुंगेसाँघु, पट्नेरीमा निर्माण भएको शिवालाय मन्दिरको शनिबार उद्घाटन गरिएको छ । ऐतिहासिक शुक्लागण्डकी कोटिहोम–२०८१ अन्र्तगत सोही स्थानमा…
  • शिक्षामन्त्री कोटिहोममा

    आदर्श समाज सम्वाददाता मंसिर २०, २०८१
    पोखरा । शिक्षा, विज्ञान तथा प्रविधि मन्त्री विद्या भट्टराईले पर्यटकीय विकासको सम्झावना उजागर गर्न प्रतिवद्ध रहेको बताएकी छन् । पोखरा…
  • पोखरामा सुरु भयो ऐतिहासिक कोटीहोम

    आदर्श समाज सम्वाददाता मंसिर १७, २०८१
    पोखरा । अन्नपूर्णेश्वर शिवालय धाम तथा बृहत्तर धार्मिक क्षेत्र विकास समितिको आयोजनामा पोखरा–१५ ढुंगेसाँघु, पट्नेरीमा सोमबारदेखि शुक्लागण्डकी कोटिहोम सुरु भएको…

hero news full width