पोखरा । पोखरा महानगरपालिका प्रमुख मानबहादुर जिसीले महिलाहरुले आरक्षणमा चित्त बुझाएर बस्ने नभई दक्षता बृद्धि गरेर पुरुषसँग प्रतिस्पर्धा गर्न आग्रह गरेका छन् । अन्तर्राष्ट्रिय महिला दिवसका अवसरमा पोखरा महानगरपालिकाको सामाजिक विकास महाशाखाले आयोजना गरेको ‘लैंगिक समानताको निम्ति महिला र पुरुषको भूमिका’ विषयक वक्तृत्वकता प्रतियोगिताको उद्घाटन गर्दै उनले महिलाका अधिकार स्थापित गर्न नियम कानुन राम्रा बने पनि त्यसको प्रभावकारी कार्यान्वयन हुन नसकेको बताए ।
पोखरा प्रज्ञा प्रतिष्ठानका कुलपति पद्मराज ढकालले महिला र पुरुषमा विभेद अन्त्य गर्दै समतामूलक समाज निर्माण गर्न महिला र पुरुषसँगसँगै अगाडि बढनुपर्नेमा जोड दिए । पोखरा महानगर उपप्रमुख मञ्जुदेवी गुरुङ पछिल्लो समय महिलाहरुका अधिकार संविधानमा स्थापित भएको बताइन् । उनले घरभित्रै चुलोचौकामा सिमित महिलाका प्रतिभा प्रष्फुटित गराउने उद्देश्यले वक्तृत्वकला प्रतियोगिता आयोजना गरिएको भनाइ राखिन् ।
महानगर सामाजिक विकास महाशाखा प्रमुख निर्मला शर्माले गृहिणी महिलाहरुलाई अवसर प्रदान गदै चुलो र चौकाबाट बाहि ल्याउनका लागि कार्यक्रम आयोजना गरिएको बताइन् ।
महानगरले गरेका वक्तृत्वकला प्रतियोगितामा महानगरपालिका वडा १३ की पूर्णकला गुरुङ प्रथम भएकी छन् । पोखरा २४ की सीता तिमिल्सिना द्वितीय, पोखरा ३० की मीना सिग्देल तृतीय र पोखरा १ की राधा बरालले सान्त्वना स्थान प्राप्त गर्न सफल भइन् ।
प्रतियोगिता प्रथम, द्वितीय, तृतीय र सान्त्वनाले क्रमश नगद १५ हजार, १२ हजार, ९ हजार र ४ हजार सहित प्रमाणपत्र प्राप्त गरे । विजेता सबैलाई पोखरा महानगरपालिकाको स्थापना दिवसको अवसरमा फागुन २८ गते आयोजना गरिने कार्यक्रममा पुरस्कार प्रदान गरिने महानगरले जनाएको छ । प्रतियोगितामा ४० वर्ष कटेका ३२ गृहिणीले सहभागिता जनाएका थिए ।
कार्यक्रममा सहभागी आमा समूह, टोल विकास सस्था तथा सहकारीहरुबाट पोखरा १३ को ज्योति वचत तथा ऋण सहकारी संस्था प्रथम भएको छ । पोखरा १५ को जनशक्ति टोल सुधार आमा समूह द्वितीय, पोखरा ८ को प्रगति आमा समूह तृतीय र प्रतिभा टोल विकास संस्था पोखरा १४ ले सान्त्वना स्थान प्राप्त गरे । कार्यक्रममा पोखरा महानगरका १७ वटा समूहले सहभागीता जनाएका थिए । प्रतियोगिताको निर्णायकमा प्रेस काउन्सिलका सदस्य दुर्गा भण्डारी, इन्सेकका क्षेत्रीय कार्यालय पोखराका प्रमुख शिव खकुरेल, अधिवक्ता जानुका शर्मा र महिला मानव अधिकार रक्षक सञ्जाल कास्कीका अध्यक्ष तारामाया थापा मगर थिए ।
Related News
सम्बन्धित समाचार
नौमती बाजा बजाउन तालिम लिँदै बागलुङका आमाहरू
जनजागृति आमा समूहमा शान्ति
सयपत्री फूलबाट धुप बनाउने सीप सिक्दै महिला
अन्नपूर्णमा महिलाका लागि कानुनी सचेतना
सामूहिक ढाका बुनाइबाट आत्मनिर्भर बन्दै महिला
hero news full width
मुख्य समाचार
वर्षाले हिलाम्मे पोखरा प्रवेशमार्ग
असुरक्षित टहरामा बस्न वाध्य सुरक्षाकर्मी
चैत्र १५, २०८०गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०