पोखरा । १ सय ११ औं नारी दिवसका अवसरमा पृथ्वीनारायण क्याम्पस नेपाली विभागका लागि नेपाली कांग्रेसकी नेतृ सरस्वती गुरुङले पुस्तक सहयोग गरेकी छन् ।
नेपाली विभागले विभागीय पुस्तकालय सञ्चालनका लागि नेपाली कांग्रेस, नीति अनुसन्धान तथा प्रशिक्षण प्रतिष्ठानकी केन्द्रीय सदस्य सरस्वती गुरुङले पुस्तक सहयोग गरेकी हुन् । नारी दिवसको दिन गुरुङसंगै समाजसेवी तथा नेतृहरु गीता पंगेनी पौडेल, गुड्डु केसीले विभागका प्रमुख प्राडा कुसुमाकर न्यौपानेलाई पुस्तक हस्तान्तरण गरेकी हुन् । सोही अवसरमा समाजसेवी रमा प्राशरले पनि पुस्तक सहयोग गरेकी थिइन् ।
विभागले त्यस सम्बन्धमा गृहकार्यसमेत गरी करिब १ हजारभन्दा बढी पुस्तक पनि संकलन गरिसकेको छ । यो अभियान सञ्चालन भएदेखि धेरैले पुस्तक उपलब्ध गराएको विभागीय प्रमुख प्राडा कुसुमाकर न्यौपानेले जानकारी दिए । नेपालका विभिन्न स्थान, अमेरिका र बेलायतबाट समेत श्रष्टाले पुस्तक पठाएको उनले बताए ।
आफूले सञ्चालन गरेको अभियानमा साथ दिएको उनले धन्यवाद पनि दिए । ‘विद्याकी प्रतीक सरस्वती हुन् उनी पनि नारी नै थिइन्,’ उनले भने, ‘नारी दिवसको दिन सरस्वती गुरुङले सहयोग गर्नु संयोग नै हो, उहाँले गरेको सहयोग हामीले सधैं सम्झिरहने छौं ।’
पुस्तकालय स्थापनासँगै विद्यार्थी र प्राध्यापक प्रत्यक्ष रुपमा विभागसँग जोडिने, पठन संस्कृतिको विकास हुने, नेपाली भाषा, साहित्य र संस्कृतिबारे अन्तक्र्रिया हुँदै जाने उनको भनाइ छ । यही साउन ८ गते यता आफू विभागीय प्रमुखको जिम्मेवारीमा आएपछि मासिक रुपमा गोष्ठी सञ्चालन गर्नुका साथै पुस्तकालय स्थापनाको अभियान थालेको न्यौपानेले बताए ।
विभागले संकलित पुस्तकलाई लेखक र पुस्तकको नाम तथा पुस्तक संख्यासमेतको विवरण राखी व्यवस्थित गर्ने प्रयाससमेत थालेको छ । जसमा अन्य विभागीय सदस्यको समेत साथ दिइरहेका छन् ।
Related News
सम्बन्धित समाचार
किशोरीका लागि सीपमूलक शिक्षा
हजुरआमा बनेपछि एसइई दिँदै कांग्रेस नेत्री भुसाल
छोरीलाई स्वावलम्बी बनाउन बागलुङ ‘नगरकी छोरी’ कार्यक्रम
नौमती बाजा बजाउन तालिम लिँदै बागलुङका आमाहरू
जनजागृति आमा समूहमा शान्ति
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१