बालुवाटार छिरे विप्लव

Avatar आदर्श समाज सम्वाददाता
फागुन २१, २०७७
biplab

काठमाडौं– नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ काठमाडौं आइपुगेका छन्। बिहान नवलपरासीबाट गाडीमा हिँडेका उनी केही बेरअघि काठमाडौं आइपुगेका हुन्।

सुरक्षा गस्तीका साथ काठमाडौं आएका उनी सीधै प्रधानमन्त्री निवास बालुवाटार पुगेका छन्।

विप्लवले बालुवाटारमा प्रधानमन्त्री केपी ओली र गृहमन्त्री एवम् सरकारी वार्ता टोलीका संयोजक रामबहादुर थापासँग भेट गर्ने कार्यक्रम रहेको उच्च सुरक्षा स्रोतले बतायो। गृहमन्त्री थापा पनि केहीबेर अघि बालुवाटर प्रवेश गरेका छन्।

आज प्रधानमन्त्री केपी शर्मा ओली र विप्वलले राजधानीको राष्ट्रिय सभागृहमा आयोजना हुने कार्यक्रममा सम्बोधन गर्ने कार्यक्रम छ।

दुई पक्षबीच बिहीबार सम्पन्न वार्तामा तीनबुँदे सहमति भएको छ। वर्तमान सरकारले दुई वर्षअघि विप्वलका गतिविधिमा प्रतिबन्ध लगाएको थियो। त्यसपछि भूमिगत भएका विप्लव आजै पहिलोपटक सार्वजनिक भएका हुन्।

Related News

सम्बन्धित समाचार

    hero news full width

    sanil ads

    wordlink ads