सिद्धार्थ क्लबकाे कार्यक्रममा ९४ युनिट रगत संकलन

आदर्श समाज सम्वाददाता
फागुन २०, २०७७
Blood donation programme 77 falgun news

फागुन । सिद्धार्थ क्लब पोखराले बुधबार बिहान गरेको कार्यक्रममा ९४ युनिट रक्त संकलन भएको छ । रक्त संचार केन्द्र, पोखराको प्राविधिक सहयोग तथा बगालेटोल सामुदायिक विकास केन्द, सिद्धार्थ टोल विकास संस्था, सम्झौता नारी जागृती समुह र ट्रेडमल दिदीबहिनी समूहको सहआयोजनामा मानवअधिकार चोकमा कार्यक्रम भएको हो ।

गण्डकी प्रदेश सभा सदस्य प्रभा कोइरालाले प्रथम रक्तदाता डा. आशिष श्रेष्ठलाई ब्लड व्याग हस्तान्तरण गरी शुभारम्भ गरिन् । कोइरालाले सिद्धार्थ क्लबका सामाजिक कार्यक्रमहरुको प्रशंसा गर्दै आफू पनि विगतमा सक्रिय रक्तदाता रहेको बताइन् ।

समाजमा रगतको आवश्यक भएका बेला रगत अभावकै कारणले हुन सक्ने मानवीय क्षतीलाई न्यूनीकरण गर्ने उद्देश्यले क्लबले यस्तो कार्यक्रम गरेको अध्यक्ष पार्वती माकाजूले बताइन् । सहयोगी संस्था, शुभचिन्तक एवं रक्तदान गर्ने सम्पूर्ण दातालाई उनले धन्यवाद व्यक्त गरिन् । कार्यक्रम संयोजक प्रमोदनारायण श्रेष्ठले स्वागत गरेको कार्यक्रम सचिव इन्दिरा मर्सानी श्रेष्ठ र पूर्व अध्यक्ष रवि मर्सानीले सञ्चालन गरेका थिए ।

Related News

सम्बन्धित समाचार

hero news full width