बिटी कपमा प्रिक्वाटरका खेल जारी

आदर्श समाज सम्वाददाता
फागुन १९, २०७७
BT Cup Day 4 News

पोखरा । ‘चौथोे विरेन स्मृति १४ औं बिटी कप सेभेन ए साइड नकआउट अन्तर क्लब फुटबल प्रतियोगितामा बुधबार प्रिक्वाटरफाइनलका ७ खेल भएका छन् । पोखरा महानगरपालिका १ बगर स्थित पुरानो टुडिखेलमा जारी प्रतियोगिता अन्तर्गत बुधबार भएको पहिलो खेलमा एवाइसी हेम्जालाई १–० गोल अन्तरले पराजित गर्दै सँगम एफसी क्वाटरफाइनलमा प्रवेश गरेको छ ।

सँगमको जीतमा बेलप्रसाद गुरुङले निर्णायक १ गोलको योगदान दिए । त्यस्तै दोस्रो खेलमा सिमपानी एफसीले फिटनेसलाई २–१ गोल अन्तरले सहज जीत निकाल्यो । सिमपानीको जीतमा सुनिल तामाङ र कृष्ण क्षेत्रीले समान १ गोल गरे । भने फिटनेसको तर्फबाट किर्बिनले सान्त्वना १ गोल फर्काए । पाटन एफसी र नयाँगल्ली एफसीबीच भएको तेस्रो खेल १–१ गोलको बराबरीमा सकिएपछि ट्राइबेकरमा नयाँगल्लीले ३–१ गोल अन्तरले पराजित ग¥यो ।

त्यस्तै आयोजक निलो र चाउथे एफसीबीच भएको चौथो खेल गोलरहित बराबरीमा निर्धारित समय सकिएपछि ट्राइबेकरमा चाउथेले ३–२ गोल अन्तरले जीत निकाल्दै अघिल्लो चरणमा प्रवेश ग¥यो । पाँचांै खेलमा सत्य युवा क्लब बाँझापाटनले ओटु बारलाई ३–१ गोल अन्तरले पराजित ग¥यो ।

बाँझापाटनको जीतमा मन तामाङ, अजय श्रेष्ठ र उत्तम गुरुङले समान १ गोल गरे भने ओटुको तर्फबाट सिद्धान्त गुरुङले सान्त्वना १ गोल फर्काए । छैटांै खेलमा मालेपाटन एफसीले बेलीबारलाई २–० गोल अन्तरले हरायो । मालेपाटनको जीतमा सोम तामाङले २ गोलको योगदान दिए ।

यसैगरी अन्तिम खेलमा कमलपोखरी क्लबले एलजी एसोसिएसनमाथि १–० गोल नतिजासहित संघर्षपूर्ण जीत निकाल्यो । कमलपोखरीको जीतमा पाहुना खेलाडी दिपेश आले मगरले निर्णायक गोल गरे । खेल संयोजक निकेश गुरुङका अनुसार बिहीबार ७ खेल सञ्चालन हुनेछन् ।

Related News

सम्बन्धित समाचार

hero news full width